Aiseya 1:13 - ALLALA KUMƐ

¹³ Wola kɔ-fen di-bole kɛ ti ko-wo-ko nyinya wo ma. Wo ye isɛnti min mintanna, a ko wo sumɛ ma di a ye tun hali! Wola Karɛ-Kura-Ladiyɛnu wo, wola Sulen-Tele-Ladiyɛnu wo, anubɛ wola ladiya-gbɛrɛkɛnu wo, a ko wo bɛɛ sɔgɛ la ara bɔ a la bawo wo ara wo hakɛ basan wonu na.

Aiseya 1:13 ပူးပေါင်းရင်းမြစ်များ

2 Mansɛnu 4:23

Ala kei ya a manyinika ko, “Nfen bi a mala, i ye tala bi? Mɔgɔ si ta nɛbi wara bi? Sulen-Tele le ma bi, ni wo ma, Karɛ-Kurɛ-Ladɛn?” Kɔnɔ musi wo ya a fɔ ko, “N fa, i yisi ni kimɛ. Ma tele, yo. N si i taran.”

1 Ko-Kɔrɔta-Karan 23:31

Anu ba wuli Sulen-Tele-sarakɛ bɔla anubɛ anuna Karɛ-Kurɛ-Ladiyɛ anubɛ anuna ladiyɛ donu, anu si to Mari tantola. Anu bi wɔli kɛla iko a bɛnta, anu ni a kɛ nya min. Anu denu si to Alla batola tuma-wo-tuma.

Yaburi 78:40

Anu murutiyara a ma wula-da-rakolɔn rɔ iko yili! Anu ya a ma, a fonde bɔra iko siyaman.

Bɔ-Koe-Iyipiti 12:16

A tele fɔlɔtɛ anubɛ a tele wɔrɔnfila nyɔgɛ ma, wo ni ladɛn kɛ ka nde, Mari bato. Wo kana wɔli mumɛ kɛ tele wonu ma fɔ dɔn-fen rabɛn-ko-wɔlɛnu, wo si wo le dɔrɔn ma.

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Hɛnkilimaya-Kumɛnu 7:14

“N bara nna yisi-kima-sarakɛ bɔ bi. A sogo-toe ye n bolo bɔn la.

Aiseya 66:23

Bɛɛ si na Mari bato tinɛ. Anu si to nala a batola Karɛ-Kurɛ-Ladɛn kuma anubɛ Sulen-Tele bɛɛ ma.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Nimisa Koe 2:6

Ma ye a batola bɔn min na fɔlɔ nun, a ara nyɔ-daga-koro-tiyi kɛ. A Sulen-Tele wo, a ladiya-ladɛn wo, a ya tɔn sigi wo dama ma. A mansa wo, a saraka-masɔla wo, wo dama bɛnta ata diminyɛ rɔ.

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Hoseya 2:11

N si tɔn sigi ala tolonta tɛ bɛɛ ma. A san-ladiyɛ wo, a karɛ-ladiyɛ wo, a Sulen-Tele-ladiyɛ wo, n si tɔn sigi a ma wo bɛɛ rɔ.

Yowɛli 1:14

Wo ni ladɛn kɛ Bato-Bɔn la. Bɛɛ ni sunyɛ don. Wo ni Yuda mɔgɔ-banu anubɛ a mɔgɛ bɛɛ kundɛn. Anu damasi la ni dɛn mata Mari Alla Bato-Bɔn la, anu si di a dala kan min.

Yowɛli 2:15

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wo ni mɔgɛnu nakundɛn alako anu ni sunyɛ don.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Yilan-Yilan Koe 10:2

“I ni wodi-gbɛ gbesi a kin na ka a ma buru fila la ka wonu ma nyama-kele-fan la anubɛ ka dagɛ raka.

Matiyu 15:9

Anu bi n batola fu bawo anu bi mɔgɛnu nabilala anuta tɔnnu na iko ndeta tɔn le!’ ”

Luka 11:42

“Kɔnɔ gbalo ye wole Farisinu kuma bawo wo ara yaka bɔ nako-fannu tɔ kɔnɔ wo ara wo ban telenbagayɛ anubɛ Alla-keni-koe ma. A bɛnta, wo ni wonu ma le kɔnɔ wo kana wo ban a toenu fanan ma.

1 Kɔrɛnti 11:17

Hali wo, n bi koe min fɔla wo ye kɛ la, n sa wo matɔgɔla wo rɔ. Wola chɔchi-ladɛnnu sa ko-rabɛn-kɛla fɔ ka tinyalɛ kɛ.

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Filipai 1:15

Nba, minnu bi Kirasitila kawandili-koe bɔla, anu donu bi wo bɔla keliyɛ anubɛ sɔsɔlɛ la anu bolo. Donu bi ala kawandili-koe bɔla anu kɔntɔ-nyimɛ la.