Kɛwɔlɛnu 9:6 - ALLALA KUMƐ

⁶ Kɔnɔ i lasɔ. I ni ta soe. I ye nala min mala gbɛ, mɔgɛ do si na wo fɔ i ye nyɔ.”

Kɛwɔlɛnu 9:6 ပူးပေါင်းရင်းမြစ်များ

Yaburi 25:12

Minnu bi ile Marita tɔnnu birala, a si to wonu makaranna alako anu ni ita kilɛ tagama.

Yaburi 94:12

Mari, ile ya mɔgɛ min nabila, wo sewani de bɛrɛbɛrɛ-wɛ-kɛ, ile ya min karan tɔn ma, kɔni.

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Isikiyɛli 2:1

A ko, “Ile hadama-dan, i lasɔ. N ni kuma i ye.”

Isikiyɛli 3:22

N ya Marita Sɛnbɛ sɔrɔn tun. A ya a fɔ n ye ko, “I lasɔ. I ni ta lɛɛ rɔ. N si kuma i ye nyɔ.”

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Matiyu 19:30

Kɔnɔ minnu bi a fɔlɔtɛ la, wonu si ma a laban la. Minnu bi a laban la, wonu si ma a fɔlɔtɛ la wulɔn.”

Luka 3:10

Mɔgɛnu ya a manyinika ko, “Ma ni nfen ma worɔ?”

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 10:32

A ko n ni mɔgɛ do lata Yapa ka kei do kele min tɔgɛ Saimon Pita. A ko a yiyanɛ Saimon karankɛ warɛ min siginɛ kɔgɔ-yi dafɛ.

Kɛwɔlɛnu 10:6

A yiyanɛ Saimon karankɛ warɛ min siginɛ kɔgɔ-yi dafɛ.”

Kɛwɔlɛnu 2:37

Mɔgɛnu ya wo lamɔɛn tumɛ min, wo ya anu yisi tɔrɔ dɔgɔma-ma-de! Anu ya a fɔ Pita anubɛ Yisata kilayɛ doinu ye ko, “Ma na-kelen-nyɔgɛnu, ma si nfen ma gbɛ?”

Kɛwɔlɛnu 22:10

N ya nyinikalɛ kɛ ko, ‘Mari, n ni nfen ma?’ Nba, Mari ya n yabi ko, ‘I lasɔ. I ni ta Damasika. Alla ara koe min bɛɛ latɛgɛ ile ye, wo bɛɛ si fɔ i ye nyɔ.’

Kɛwɔlɛnu 26:16

Nba, i lasɔ. N bara bɔ gbɛ rɔ i ye ka i ma nna wɔli-kɛlɛ la. I wara min yen n bolo bi, anubɛ n bi nala min yirala i la, i ye wo le fɔla mɔgɛnu ye.’

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.

Romu 10:20

Wo kɔma, Nɛbi Aiseya ya a kerinteya wo tumɛ a ya a fɔ ko, “Minnuna ko sa Allala ko rɔ, a sɔnta ko wonu fɔlɔn ni a yen. Minnu sa a wara-koe manyinikala, a ara a nyɛrɛ yira wonu na.”

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Romu 7:9

Yanni n ni tɔn wara-koe lamɔɛn, n bi n niyi la nun. Kɔnɔ n ya tonyɛ lɔn tumɛ min, hakɛ wulita n yisi rɔ ha n fagara,

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Samuwɛli 16:3

I wa ke nyɔ tumɛ min, i ni Yɛsi kele ila saraka-bɔɛ kuma. Ile si min ma nyɔ, nde si wo fɔ i ye. N ba mɔgɛ min yira i la nyɔ, ile si wo dantɛgɛ ka a ma mansɛ la.”

1 Samuwɛli 28:5

Mansa Sɔli ya Filisitinuna kɛlɛ-dannu yen tumɛ min, a kilanta dɔgɔma-ma-de!