Kɛwɔlɛnu 9:32 - ALLALA KUMƐ

³² Pita ya kan tinɛ bɛɛ ratagama. Lunyɛ do, a tara Marita mɔgɛnu kɔndɔn tinɛ Lida soe burɔ.

Kɛwɔlɛnu 9:32 ပူးပေါင်းရင်းမြစ်များ

1 Ko-Kɔrɔta-Karan 8:12

Ɛlɛpeyali ya den-kei mɔgɔ sawa sɔrɔn, Iburu wo, Maisam wo, anubɛ Sɛmɛdi. Ale Sɛmɛdi ya so fila datɛgɛ, Ono anubɛ Lodi anubɛ so-mɛsɛ minnu bi wonuna foolɛnu tɔ.

Ɛsira 2:33

Mɔgɔ kɛmɛ wɔrɔnfila ani mɔgɔ mogan-ni-loli (725), wonu denu sɛgira anu benba soenu burɔ, Lodi soe anubɛ Hededi soe anubɛ Ono soe.

Nihɛmaya 11:35

Lodi anubɛ Ono soenu tɔ anubɛ lɛɛ wo rɔ anu si min kele ko Boloma-Wɔli Kɛlɛnuna Lɛɛ.

Nihɛmaya 7:37

Mɔgɔ kɛmɛ wɔrɔnfila ani mɔgɔ mogan-ni-kelen (725), wonu denu sɛgira anu benbaya soenu burɔ, Lodi anubɛ Hededi anubɛ Ono.

Yaburi 16:3

Mɔgɔ-nyimɛ le Marita mɔgɛnu na. Ni n bi anu kurun tɔ, n si nyagalen.

Hɛnkilimaya-Kumɛnu 2:8

Minnu ti lafisayalɛ kɛ, Mari si wonu natanka. Minnu fanan bara anu nyɛrɛ di Mari ma bɛrɛbɛrɛ-wɛ-kɛ, a si wonu nakandan.

Matiyu 27:52

Kanbɛnu nakara. Allala mɔgɛ minnu bara faga fɔlɔ-nun, wonu siyaman wulita ka niyi lafɛ tun.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 26:10

Ka a dabira Yerusalɛm, n ya wo ma. N ya sarati sɔrɔn saraka-masɔla-wɛnu bolo ko n ni Allala mɔgɔ siyaman nadon yele la. Anu faga-koe fɔra tumɛ min, nde nyɛrɛ sɔnta wo ma.

Kɛwɔlɛnu 8:14

Kilayɛ minnu bi Yerusalɛm, wonu ya Samariya kɛnuna dɛnkɛninya-koe wo lamɔɛn. Woletɔ anu ya Pita anubɛ Yɔni lata anu ma.

Kɛwɔlɛnu 8:25

Pita anubɛ Yɔni ban sereyɛ bɔla tumɛ min ka Marila kumɛ lake, anu sɛgira Yerusalɛm. Anu sɛgimatoe, anu ya kibara-nyimɛ-kawandili bɔ Samariya so siyaman tɔ kilɛ la.

Kɛwɔlɛnu 9:13

Ananayasi ya a yabi ko, “Mari, kei wo ara ko-yogomɛ min kɛ ila mɔgɛnu na Yerusalɛm soe burɔ, mɔgɔ-siyaman bara wo wara-koe fɔ n ye,

Kɛwɔlɛnu 9:33

A ya kei do taran nyɔ, a tɔgɛ Eniyasi min fɛrɛ-faganɛ a ma. San segin kɔrɔ, a ma ke a lasɔla.

Kɛwɔlɛnu 9:41

Pita ya a bole bira ka a dɛnbɛ a lasɔla. Wo kɔma, a ya dɛnkɛninya-mɔgɛnu anubɛ kɛɛ-musinu kele ka a yira anu na, a kɛndɛ.

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Ɛfɛsa 1:1

Nde, Pɔli le ye kɛdi kɛ sɛbɛla. Nde mara Yisa Kirasitita kilayɛ la iko Alla ya a latɛgɛ nya min. Kɛ sɛbɛnɛ Alla batolɛnu ma Ɛfɛsa soe burɔ minnu sɔnɛ Kirasiti Yisa ye yiri!

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.