Kɛwɔlɛnu 9:15 - ALLALA KUMƐ

¹⁵ Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Kɛwɔlɛnu 9:15 ပူးပေါင်းရင်းမြစ်များ

Yɛrɛmaya 1:5

yanni n ni ma mɔgɔni-finyɛ la n na burɔ, a ya n yabɔ. Yanni n ni sɔrɔn, a ya wɔli-gbɛrɛ dantɛgɛ n ma a dan na. A ya n ma nɛbi la sibole bɛɛ ye.

Yɛrɛmaya 1:7

Ale Mari ya a fɔ n ye ko n kana a fɔ ko dennɛ le nde la. A ko a wa n nata kan-bo-kan, n ni ta nyɔ. A ko a wa fenfen fɔ n ye, n ni wo rakaran nyɔ-mɔgɛnu ye.

Matiyu 10:18

Ka a tɛgɛ nde ma, anu si wo rasagan kun-tiginu anubɛ mansɛnu yakɔrɔ. Wo si nta kibara-nyimɛ fɔ wonu ye anubɛ sibolo-gbɛrɛnu fanan.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Kɛwɔlɛnu 13:2

Anu bi sunyɛ rɔ tumɛ min Mari bato tinɛ, Allata Ni-Sɛnimɛ ya a fɔ anu ye ko, “Wo ni Banabasi anubɛ Sɔli yabɔ n ye. N bara anu kele wɔlɛ min ma, anu ni wo kɛ.”

Kɛwɔlɛnu 21:19

Pɔli ya anu kɔndɔn. Alla ya koe min bɛɛ kɛ sibolo-gbɛrɛnu tɛma, a ya wo bɛɛ rakaran anu ye.

Kɛwɔlɛnu 22:14

Ananayasi ko, ‘Ma benbanuta Alla ara ile yabɔ ko i ni a lɔn i ye min mala a ye. A ara ile yabɔ alako i ni ala Wɔli-Kɛla-Telennɛ yen ka a kuman-kan fanan namɔɛn.

Kɛwɔlɛnu 22:21

Kɔnɔ Mari ya a fɔ n ye ko n ni ta bawo a si n nata kan-tina-yanrɔ-sibolo-gbɛrɛnu ma.”

Kɛwɔlɛnu 25:22

Mansa Agaripa ya a fɔ Mansa Fɛsitasi ye ko, “A di n ye nde nyɛrɛ ni a kan lamɔɛn.” Mansa Fɛsitasi ya a fɔ a ye ko, “Tana ma. I si a lamɔɛn sina.”

Kɛwɔlɛnu 26:1

Mansa Agaripa ya a fɔ Pɔli ye ko, “Nba, itɛ lakaran!” Pɔli ya a bole layɛlɛ. A ya a nyɛrɛ fɛka ka le, a ko,

Kɛwɔlɛnu 26:32

Mansa Agaripa ya a fɔ Sigisɔn-Mansa Fɛsitasi ye ko, “Ni kei kɛ ma Romu nyamanɛ kun-tigi-ba wo yen-koe fɔ nun, a si boloka le nun.”

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

Kɛwɔlɛnu 28:17

Tele sawa kɔma, Pɔli ya Yahudiya mɔgɔ-banu kele ladɛn rɔ. Anu nadɛnta tumɛ min, a ya a fɔ anu ye ko, “N na-kelen-nyɔgɛnu! N ma ko-wo-ko kɛ mala mɔgɛnu kan ma. Ma ya namu minnu sɔrɔn ma benbanu bolo, n ma wo fenfen tinya. Hali wo, anu ya n sa yele la Yerusalɛm ka n don Romu kɛnu bolo.

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

Romu 11:13

N bi kumala wole sibolo-gbɛrɛnu ye kaka. Fananta n bi wole sibolo-gbɛrɛnuta kilayayɛ la, n si nna sɔ tinɛ lawɔli n sɛbɛ-kuna-wɛ la.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 9:16

N bi kibara-nyimɛ lakela min kɛ, yo-wo-yo sa n bolo ka n nyɛrɛ matɔgɔ wola ko la bawo Alla le ya a fɔ n ye ko n ni wo ma, ado ni n ma kibara-nyimɛ lake, a si gbɛlɛya n kuma gben!

Kalesiya 1:1

Nde, Pɔli le ye kɛdi kɛ sɛbɛla, ado mɔgɔ ma n sɔ wɔlɛ kɛ la. Mɔgɔ ma n ma kilayɛ la fɔ Yisa Kirasiti anubɛ ma Fa Alla min ya Yisa lawuli ka bɔ furinu tɛma.

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

1 Timoti 2:7

Wo le ya a to, Alla ya n ma kilayɛ anubɛ karan-mɔgɔ la. A ko n ni sibolo-gbɛrɛnu karan dɛnkɛninyɛ anubɛ tonya-koe ma. N sa foninya fɔla wo ye. N bi tonyɛ le fɔla serr!

2 Timoti 1:11

Alla ara n yabɔ ka n ma kilayɛ anubɛ karan-mɔgɔ la kibara-nyimɛ lake-koe la.

2 Timoti 2:4

Kɛlɛ-den-nyimɛ ye a fɛ ka ala kun-tigi hɛnɛ min kɛ, woletɔ kɛlɛ-den ma minnu na, a ti basan wonuna koe la.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”