Kɛwɔlɛnu 8:39 - ALLALA KUMƐ

³⁹ Anu bɔra yi rɔ tumɛ min, Marita Niyi ya Filipi bɔ a fɛ. Kun-tigi wo ma a yen tun. Kɔnɔ a sewanɛ tara a warɛ.

Kɛwɔlɛnu 8:39 ပူးပေါင်းရင်းမြစ်များ

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

2 Mansɛnu 2:16

Anu ko, “Mɔgɔ bi-lolɛ kɛndɛ ye ma fɛ yan. Ma ye a fɛ, anu ni ta i karan-mɔgɔ nyini. Tumado, Marita sɛnbɛ ara ta a to kɔnkɛ do kuma, ni wo ma, lɛɛ do rɔ.” Nɛbi Ilaisa ya a fɔ anu ye ko, “Wo kana anu nata.”

Yaburi 119:111

N halalɛ le ila tɔnnu na tolon! N ni-radiya-fan le anu denu na.

Yaburi 119:14

Ka ita tɔnnu bira, wo di n ye nɔnfulu-wa-sɔrɔn ko.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Isikiyɛli 11:1

Allata Sɛnbɛ ya n bi ka ta n na Bato-Bɔn tele-bɔɛ don-dɛ la. N ya kei mɔgɔ mogan-ni-loli yen sɔni don-dɛ wo dafɛ. Esurila den Yeyasanaya anubɛ Bɛnayala den Pɛlataya ye anu tɛma. Anuna kun-tigi le mɔgɔ filɛ kɛnu na.

Isikiyɛli 11:24

Ko-rayirɛ wo rɔ, Marita Sɛnbɛ ya n kɔrɔbi ka n nayɛlɛ san ma. A sɛgira n na mɔgɔ-biranɛ wonu bara Babilɔn nyamanɛ rɔ. N ke nyɔ, nna ko-rayirɛ wo banta.

Isikiyɛli 37:1

Marita Sɛnbɛ yigira n kuma tumɛ min, wo ya n bi ka ta n sɔ lɛɛ do tɛma min kuma fanɛ hadama-den-kole la.

Isikiyɛli 43:5

Marita Sɛnbɛ ya n bi ka ta n na Bato-Bon-lu-kole ma. N ya Bato-Bɔn lafanɛ yen Marita gbiliyɛ la.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Matiyu 13:44

Yisa ko, “Alla min bi Arinyɛni tɔ, ata mansayɛ mani de iko nɔnfuli min dogonnɛ gbɛkole do rɔ. Kei do ya a yen ka a yamatogon tun. A sewara kati! A tara a bolo-fan bɛɛ feri. Wo kɔma, a sɛgira ka gbɛkole wo san.”

Matiyu 3:16

Yɔni ya Yisa batasi. A bɔra yi rɔ nkɛkuna, san-kolo-dɛ lakara. A ya Allala Ni-Sɛnimɛ yigimatoe yen iko kangbɔɛ. Wo sigira a kuma.

Maraka 1:10

A bɔra yi rɔ nkɛkuna, Yisa ya Arinyɛnɛ lakanɛ yen san-kole rɔ. Allala Ni-Sɛnimɛ yigira a kuma iko kangbɔɛ.

Kɛwɔlɛnu 13:52

Kɔnɔ dɛnkɛninya-mɔgɛ minnu bɔ-san Antiyaki, wonu fara sewɛ anubɛ Allata Ni-Sɛnimɛ la.

Kɛwɔlɛnu 16:34

A tara Pɔli anubɛ Sailasi la ala bɔn la ka dɔn-fan di anu ma. Ale anubɛ ala bonna-mɔgɛ bɛɛ sewara bawo anu bara dɛnkɛninya Alla ma.

Kɛwɔlɛnu 8:29

Allata Ni-Sɛnimɛ ya a fɔ Filipi ye ko, “Ta i madon ala kirindi la.”

Kɛwɔlɛnu 8:38

Kun-tigi ya a fɔ ko anu ni ala kirindi sɔ. Filipi anubɛ kun-tigi wo yigira yi rɔ. Filipi ya a batasi.

Kɛwɔlɛnu 8:8

Woletɔ sewa-belebele kera Samariya so-burɔ-mɔgɛnu ye.

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Yemesi 4:16

Kɔnɔ kaka, wo wasinɛ. Wo ye wo nyɛrɛ matɔgɔla, ado nyɛrɛ-matɔgɔ-su wo yogo.