Kɛwɔlɛnu 8:37 - ALLALA KUMƐ

³⁷ Filipi ya a fɔ a ye ko, “Ni i wara dɛnkɛninya i yisi bɛɛ la, i si batasi.” A ya a yabi ko, “N bara dɛnkɛninya. N bara la a la ko Allala dan le Yisa la.”]

Kɛwɔlɛnu 8:37 ပူးပေါင်းရင်းမြစ်များ

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Maraka 16:16

Min ba dɛnkɛninya ka batasi, wo si kisi. Kɔnɔ min ti dɛnkɛninya, wo si halaki.

Yɔni 11:27

Marata ya a yabi ko, “Ɔnde, Mari, n bara la a la ko Allata-Mɔgɔ-Yabɔnɛ min si ma kisi, wo le ile la, Allata dan, kɔni. Nɛbinu ya i lana-koe fɔ duninya kɛ rɔ nun.”

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yɔni 6:68

Saimon Pita ya a yabi ko, “Mari, ma si ta yon bara gbɛ? Habadan-niyi-kumɛ ye ile le bolo.

Yɔni 9:35

Yisa ya a lamɔɛn ko anu bara kei wo gben tumɛ min, a tara a nyini. A ya a yen min kɛ, a ya fɔ a ye ko, “I wara dɛnkɛninya ale, Hadama-dan ma, wa?”

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 8:12

Kɔnɔ Filipi ya Allala mansayɛ anubɛ Allata-Mɔgɔ-Yabɔnɛ wo kibara-nyimɛ lake tumɛ min, anu dama dɛnkɛninyara ka batasi, a keima wo, a musuma wo.

Kɛwɔlɛnu 8:21

Ita mumɛ sa mala wɔlɛ rɔ bawo i yisi ma telen Alla yala.

Kɛwɔlɛnu 8:36

Anu bi tala kilɛ la tumɛ min, anu kera yi do ma. Woletɔ kun-tigi wo ko, “Yi kɛ mafɛlɛn. Nfen bi a tola gbɛ, n sa batasila?” [

Kɛwɔlɛnu 8:38

Kun-tigi ya a fɔ ko anu ni ala kirindi sɔ. Filipi anubɛ kun-tigi wo yigira yi rɔ. Filipi ya a batasi.

Kɛwɔlɛnu 9:20

Wo kɔma, a wulita ka ta Yahudiya-dina-bɔnnu na Yisala koe fɔ tinɛ anu ye. A ko Yisa le Allatalata dan la.

Romu 10:10

ado ma si telen Alla yala mala dɛnkɛninyɛ le fɛ. Ma wa Marila sereyɛ bɔ ma dɛ la, ma si kisi,

1 Kɔrɛnti 12:3

Nba, n bi a fɛ ka kuma-kolomɛ fɔ wo ye. Min bɛɛ maranɛ ata Ni-Sɛnimɛ bolo, wo fenfen ti ke a fɔla ko, “Yisa dankanɛ.” Ado nfan, ni ata Ni-Sɛnimɛ sa mɔgɛ min fɛ, wo ti ke a fɔla ko, “Yisa, Mari le.”

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

1 Yɔni 4:15

Min si a lawasa a dɛ la ko Yisa, Allala dan le, Alla ye wo tigi rɔ, ado wo ye Alla rɔ.

1 Yɔni 5:1

Min lanɛ a la ko Allata-Mɔgɔ-Yabɔnɛ le Yisa la, Allala dan le wo tigi la. Ma Fa Alla di min ye, ma Fa Allala dan di wo fanan ye.

1 Yɔni 5:10

Woletɔ ni min lanɛ Allala dan la, sereyɛ kɛ ye wo bolo a yisi rɔ. Kɔnɔ min ma la Alla la, wo ara Alla ma foninya-fɔlɛ la bawo Alla ara sereyɛ min bɔ ata danla ko la, a ma la wo la.

1 Yɔni 5:5

Yon si ke duninya nɔla? Fɔ wonu dɔrɔn minnu lanɛ a la ko Yisa, Allala dan le.