Kɛwɔlɛnu 8:30 - ALLALA KUMƐ

³⁰ Filipi ya a buri ka ta. A ya a lamɔɛn, a ye Nɛbi Aiseyata buku karanna. Woletɔ a ya a manyinika ko, “I ye min karanna wo la, i wara hɛnkili sɔrɔn wo ma, wa?”

Kɛwɔlɛnu 8:30 ပူးပေါင်းရင်းမြစ်များ

Yaburi 119:32

I wara n hɛnkili ya maka min kɛ, ita sereyanu bira-sɔgɛ ye n yisi la dɔgɔma-ma-de!

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 13:23

Sugi min buira dugu-lamonɛ rɔ, wo mani de iko mɔgɛ min bi kumɛ lamɔɛnna ka a nya-yen. A si gbɔ. Do si kɛmɛ kelen bɔ, do bi-wɔrɔ, do bi-sawa.”

Matiyu 13:51

Yisa ya ala karan-dannu manyinika ko, “Wo ara koe kɛnu nya-yen, ba?” Anu ya a yabi ko, “Ɔnde.”

Matiyu 15:10

Wo kɔma, Yisa ya nyama kele a wara. A ya a fɔ anu ye ko, “Wo ni wo tole masɔ ka koe kɛ nya-yen a kilɛ fɛ!

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Maraka 13:14

“Wo si ‘kisimiriya koe’ sɔnɛ yen kan tinɛ do rɔ, a sɔ tina ma min na. (Minnu bi kɛ karanna, anu ni anu taya a kɔrɛ-lɔn koe ma!) Minnu bi Yudiya nyamanɛ rɔ, wonu ni anu buri ka yɛlɛ kɔnkɛnu kuma.

Yɔni 4:34

Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Kɛwɔlɛnu 8:27

Woletɔ Filipi ya a rabɛn. A ya kilɛ wo bira. Nba, Itiyopiya-kun-tigi do ye bɔla kilɛ wo fɛ ka ta a warɛ. Kun-tigi-ba le wo la nun. Ale le ye Itiyopiya musu-mansɛ Kandasila nɔnfuli bɛɛ kun na. A tara Alla bato tinɛ Yerusalɛm.

Kɛwɔlɛnu 8:29

Allata Ni-Sɛnimɛ ya a fɔ Filipi ye ko, “Ta i madon ala kirindi la.”

Kɛwɔlɛnu 8:31

Kun tigi wo ya a yabi ko, “Ni mɔgɔ ma a fɛsɛfɛsɛ n ye, n si a nya-yen kama?” Wo kɔma, a ya Filipi kele ko a ni yɛlɛ ka sigi a fɛ ala kirindi rɔ.

Kɛwɔlɛnu 8:5

Filipi tara Samariya-so-karantan burɔ ka Yisa, Allata-Mɔgɔ-Yabɔnɛla koe kawandili bɔ nyɔ-mɔgɛnu ye.

1 Kɔrɛnti 14:19

Kɔnɔ n tenbi Alla batola chɔchi la, yanni n ni kuma waga-yirika-siyaman fɔ kan-gbɛrɛ rɔ, a fisa, n ni kuma loli pe fɔ mɔgɛnu si min nya-yen ka donu karan wo la.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Lankɛnimayɛ 13:18

Bɛɛ ni hɛnkili sɔrɔn kɛ ma. Hɛnkili ye min bolo, wo si ke ka sogo-feremɛ wo tɔgɛ-yatɛ-kɔrɛ lɔn bawo mɔgɛ-tɔgɛ-yatɛ le wo la. A yatɛ le kɛmɛ wɔrɔ, bi-wɔrɔ ani wɔrɔ (666) la.