Kɛwɔlɛnu 8:27 - ALLALA KUMƐ

²⁷ Woletɔ Filipi ya a rabɛn. A ya kilɛ wo bira. Nba, Itiyopiya-kun-tigi do ye bɔla kilɛ wo fɛ ka ta a warɛ. Kun-tigi-ba le wo la nun. Ale le ye Itiyopiya musu-mansɛ Kandasila nɔnfuli bɛɛ kun na. A tara Alla bato tinɛ Yerusalɛm.

Kɛwɔlɛnu 8:27 ပူးပေါင်းရင်းမြစ်များ

1 Mansɛnu 10:1

Mansa Silamɛni ya hɛnkili sɔrɔn Mari bolo min kɛ, Siba musu-mansɛ ya ala hɛnkilimayɛ mankan wo lamɔɛn. Wo le ya a ma, ale nara Mansa Silamɛni hɛnkili mafɛlɛn tinɛ.

Yaburi 68:29

Mansɛnu bi nala i kɔ-fannu na ka a tɛgɛ i Bato-Bɔn ma Yerusalɛm soe burɔ.

Yaburi 68:31

Kun-tiginu si bɔ Iyipiti nyamanɛ rɔ. Sudan kɛnu si anu bole sigi Alla ye ka madiyali kɛ.

Yaburi 87:4

Alla ko sibole minnu bi a kan tola a gbɛ rɔ, a wa wonu tɔgɛ rakele, Iyipiti anubɛ Babilɔn si taran wonu tɛma. Filisitinu wo, Sudan kɛnu wo, anubɛ Taya kɛnu, a si wonubɛ Yerusalɛm kɛnu dan anu nyɔgɔn fɛ.

Aiseya 18:7

Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 60:6

Nyomɛnu ta si ka wola nyamanɛ rɔ baraki! Wonu si na ka bɔ Midiya anubɛ Ifa nyamanɛ rɔ. Mɔgɛnu si na i sanbala sɛnɛ anubɛ isɛnti la ka bɔ Siba nyamanɛ rɔ. Anu si to Mari-tanto-sigi sala.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Yɛrɛmaya 38:7

Nba, Sudan kɛ do ye nyɔ min tɔgɛ Ibɛdi-Milɛki, mansɛla wɔli-kɛlɛ, kɔni. Wo ya a lamɔɛn ko anu bara n nayigi kɔlɔn rɔ. Wo ya a taran, mansɛ ye kiti-fɔɛ la don-dɛ dafɛ min tɔgɛ, “Bɛnyamɛ.”

Yɛrɛmaya 39:16

n ni sarakanɛ kɛ fɔ Ibɛdi-Milɛki Sudan kɛ wo ye. Ale Mari Sɛnbɛ-Bɛɛ-Tigi Isirɛlata Alla ko a si na kasarɛ la soe kɛ kuma iko a ya a fɔ nya min, ta-n-yarɔ ko ma de! Wo wa ma tumɛ min, a ko wo si kɛ ale Ibɛdi-Milɛki nyɛrɛ yala.

Sɛfanaya 3:10

Ala mɔgɛ minnu bi nyamani-gbɛrɛnu tɔ wula-yan la, a ko a si na wonu na a bato-tinɛ. Hali Sudan kɛ minnu fɛ-yan, wonu fanan si na.

Matiyu 12:42

Musu-mansɛ min bɔra Siba nyamanɛ rɔ don? Wo si a lasɔ kiti-tɛgɛ-lunyɛ ka wo maburi bawo ale bɔra ata nyamanɛ rɔ pon ka na a tole masɔ Mansa Silamɛnita hɛnkilimaya-karan la. Nba, n bi a fɔla wo ye, mɔgɛ do ye yan min kolo Mansa Silamɛni ko pirr!

Yɔni 12:20

Ladiyɛ kɛ wati rɔ, sibolo-gbɛrɛ donu bi anu tɛma nun minnu tara batoli-kɛ-tinɛ Yerusalɛm.

Kɛwɔlɛnu 8:28

A sɛgimatoe, a sigini ala kirindi rɔ, ado a tagamatoe, a ye Nɛbi Aiseyata buku karanna.

Tɔn-Fɔɛ-Fila-Nyɔgɛ 30:13

Anu sa kɔgɔ-yi kɔgɔma iko komi wo ye mɔgɛ manyinikala anu bi-koe ma wo ye, woletɔ wo si a lamɔɛn ka anu bira.

Hiburunu 11:8

Dɛnkɛninyɛ le fɛ, Iburayima ya Allata kumɛ bira ka ta nyamani-gbɛrɛ rɔ, Alla ya lanyiri kiri minna ko la ko a si wo di a ma. A yirindira ka bɔ a nyɛrɛta nyamanɛ rɔ, hali a ma a lɔn a ye tala kan min.