Kɛwɔlɛnu 8:22 - ALLALA KUMƐ

²² I ni miriya-yogomɛ kɛ boloka ka Mari madiya. A ni i makoto miriya sifa kɛla ko la.

Kɛwɔlɛnu 8:22 ပူးပေါင်းရင်းမြစ်များ

Hɛnkilimaya-Kumɛnu 24:9

Kun-takolɔn miri ma fenfen na fɔ ko-yogomɛ, ado hakɛ le wo la. Mɔgɛ min si mɔgɔ mayɛlɛn, a wara-koe ti diya wo tigi ye.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Yona 1:6

Kulun-kun-tigi ya a sanɛ taran. A ya a lakunden ka a fɔ a ye ko, “I ye kinɔgɔla kama kɛ la? I lasɔ, i ni ita bɛsɛ madiya fɔ a si ma dɛnbɛ. Tumado, a si kinikini ma ma. A si a ma, ma ti faga.”

Yona 3:9

Tumado, Alla si a fonde yɛlɛma ma wara la. Tumado, ma ti faga tun ata diminyɛ bolo.’ ”

Kɛwɔlɛnu 17:30

Fɔlɔ-nun, Alla ya a kolan bɔ mɔgɛnuna Alla-lɔnbɛlitayɛ la bawo anu bi min mala nun, anu ma wo lɔn. Kɔnɔ kaka, a ara a fɔ ko fɔ mɔgɛ bɛɛ ni yɛlɛma ka bɔ anuna ko-yogoma-kɛ-kilɛnu fɛ,

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Kɛwɔlɛnu 8:20

Kɔnɔ Pita ya a fɔ a ye ka a gbɛ ko, “I mirinɛ ko i si Allala kɔ-fan san wodi la min kɛ, wobɛ ila wodi ni halaki nyahanama rɔ!

Kɛwɔlɛnu 9:11

Mari ya a fɔ a ye ko, “I ni i rabɛn. I ni ta Yudasila bɔn la kilɛ dafɛ min tɔgɛ Kila Telennɛ. I ni Tarasa kɛ Sɔli manyinika. A ye madiyali kɛla nyɔ.

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 2:21

N bara wati di a ma alako a ni a kɛ-nya yɛlɛma kɔnɔ a sa a fɛ, a ni fara ala yɛlɛnyɛ la.