Kɛwɔlɛnu 8:14 - ALLALA KUMƐ

¹⁴ Kilayɛ minnu bi Yerusalɛm, wonu ya Samariya kɛnuna dɛnkɛninya-koe wo lamɔɛn. Woletɔ anu ya Pita anubɛ Yɔni lata anu ma.

Kɛwɔlɛnu 8:14 ပူးပေါင်းရင်းမြစ်များ

1 Mansɛnu 13:32

Allata mɔgɛ kɛ ya kumɛ minnu fɔ saraka-mintan-tinɛ kɛla ko la min bi Bɛtɛli soe burɔ anubɛ Samariya soenuna kɔ tinɛnuna ko la, wo dama si ma tonyɛ la, yɔ!”

Matiyu 13:23

Sugi min buira dugu-lamonɛ rɔ, wo mani de iko mɔgɛ min bi kumɛ lamɔɛnna ka a nya-yen. A si gbɔ. Do si kɛmɛ kelen bɔ, do bi-wɔrɔ, do bi-sawa.”

Luka 22:8

Yisa ya Pita anubɛ Yɔni sɔ. A ya a sara anu na ko, “Wo ta Kanan-Ko-kimanɛ rabɛn ma ye.”

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Kɛwɔlɛnu 11:1

Kilayɛnu anubɛ dɛnkɛninya-mɔgɛ minnu bi Yudiya fan bɛɛ, wonu ya a lamɔɛn ko sibolo-gbɛrɛnu fanan bara Allala kumɛ rabira.

Kɛwɔlɛnu 15:4

Anu kera Yerusalɛm tumɛ min, Marita mɔgɛnu wo, Yisata kilaya-toenu wo, anubɛ nyɔ-mɔgɔ-banu ya anu tabira a kin na! Alla ya koe min bɛɛ kɛ mɔgɛnu ye anuna wɔlɛ fɛ, anu ya wo bɛɛ rakaran mɔgɔ-ba wonu ye.

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 8:1

Sɔli sɔnta Sitifen faga-koe ma. Marita mɔgɛ donu ya Sitifen togon ka di ala ko la bɛrɛkɛ! Tɔrɔya-ba wulita Allata mɔgɛnu kan ma Yerusalɛm soe burɔ wulɔn tele. Dɛnkɛninya-mɔgɛ bɛɛ nyɛnsɛnta Yudiya anubɛ Samariya nyamanɛ bɛɛ rɔ fɔ Marita kilayɛnu.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Tɛsalonaika 3:2

ka ma na-kelen-nyɔgɛ Timoti lata wo ma. Mabɛ ale ye wɔlila ma nyɔgɔn fɛ Alla ye ka Kirasitita kibara-nyimɛ-kawandilɛ bɔ. Ma ya Timoti lata wo ma alako wo ni wo sɛbɛ don wola dɛnkɛninyɛ ma.

2 Tɛsalonaika 2:10

Minnu bi nala halakila, a si yanfa-yogoma-su bɛɛ don wonu ma min si a ma, anu ni halaki. Wonu si halaki bawo anu ma tonyɛ bira, ado ni anu ya tonyɛ keni nun, anu si kisi worɔ.