Kɛwɔlɛnu 7:60 - ALLALA KUMƐ

⁶⁰ A ya a nyɛnkin ka gbele-gbelen kan-ba la, a ko, “Mari! I kana i fonde lamiri anuna hakɛ kɛ ma!” A ban wo fɔla, a niyi bɔra.

Kɛwɔlɛnu 7:60 ပူးပေါင်းရင်းမြစ်များ

Ɛsira 9:5

Wurala-saraka-bɔ-wati kenɛ, n ya n nasɔ n gbɛ rɔ, n bi dila kan min nun, ado wati wo bɛɛ ya a taran, nna duruki rafaranɛ n kan na. N ya n kunbelan gbangban dugi ma ka n bolo filɛ rasagan nta Mari Alla ye san ma.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Matiyu 27:52

Kanbɛnu nakara. Allala mɔgɛ minnu bara faga fɔlɔ-nun, wonu siyaman wulita ka niyi lafɛ tun.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 22:41

Yisa ya a masɛgi anu na doni ka ta a dan na. A ya a nyɛnkin madiyali-kɛ-tinɛ.

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.

Luka 6:28

Minnu bi wo dankala, wo ni duwa wonu ye. Minnu sa wo birala a kin na, wo ni Alla madiya wonu ye.

Yɔni 11:11

Wo kɔma, Yisa ya a fɔ anu ye tun ko, “Ma diyana-mɔgɛ Lasarasi ara kinɔgɔ kɔnɔ n si ta a lakunden.”

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Kɛwɔlɛnu 20:36

Pɔli banta kumala tumɛ min, a ya a nyɛnkin anu dama fɛ ka Alla matara.

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.

1 Kɔrɛnti 11:30

Ka a tɛgɛ wo ma, wo siyaman rafaganɛ, wo kirɛ, ado donu bara faga wo rɔ!

1 Kɔrɛnti 15:18

Wo kɔrɛ le fanan ko minnu bara dɛnkɛninya Kirasiti ma nun ka faga, wonu bara to-a-rɔ.

1 Kɔrɛnti 15:20

Kɔnɔ tonyɛ ye min na, Alla ya Kirasiti fɔlɔn nawuli ka bɔ furinu tɛma alako ka a yira ko minnu bɛɛsi ara saya, wonu fanan na si wuli,

1 Kɔrɛnti 15:51

Wo ni wo tole masɔ gbundu-koe kɛ la. Ma dama ti faga kɔnɔ buru-laban wa fɛ, ma dama si yɛlɛma tiriya iko ya-makeri kelan, ado buri wa fɛ tumɛ min, furinu na si wuli ka bagbuyi sɔrɔn min si to tolon! Male min tonɛ ma niyi la, Alla si bagbu-kurɛ di ma ma min si to burubukai!

1 Kɔrɛnti 15:6

Wo fanan kɔma, a bɔra gbɛ rɔ a gba-fɛ-bilalɛ minnu ye wati kelen tɔ, wonu siya mɔgɔ kɛmɛ loli ko, ado ha bi, wonu siyaman kɛndɛ kɔnɔ donu bara faga.

1 Tɛsalonaika 5:10

Yisa fagara ma ye alako ni ala nɛ ya ma kɛndɛ taran, ni wo ma, ma faganɛ, wo bɛɛ rɔ, ma si nimayɛ sɔrɔn a bolo.

2 Timoti 4:16

N ya n fɛka fɔlɔtɛ kɛ tumɛ min, mɔgɔ-wo-mɔgɔ ma sɔ n fɛ. Bɛɛ bɔra n fɛ filili! Alamɛ Alla fonde kana bɔ anu kan ma!

2 Pita 3:4

Anu si a fɔ ko, “Mari ya lanyiri kiri nun ko a ye nala. A ye mi? Ma benbanu bara faga, bi ma, kɔnɔ kebi duninya kɛ danta, fan bɛɛ ye a gbɛ rɔ iko a ye nya min nun!”