Kɛwɔlɛnu 7:55 - ALLALA KUMƐ

⁵⁵ Kɔnɔ Sitifen fanɛ Allata Ni-Sɛnimɛ la. A ya a yɛ layɛlɛ san ma Allala gbiliyɛ mafɛlɛn tinɛ. A ya Yisa sɔni yen Alla kɔɛn-nyimɛ rɔ.

Kɛwɔlɛnu 7:55 ပူးပေါင်းရင်းမြစ်များ

Yaburi 109:31

bawo a ye bolo-kolɔn kumafunfanna. Minnu bara ban anu faga-koe latɛgɛla, a si anu kisi wonu masibɛ ma.

Isikiyɛli 10:18

Wo kɔma, Marita wan-takani-belebele bɔra a Bato-Bɔn don-dɛ la. A ya a mayɛlɛ nima-fen nanɛ kɛnu kuma.

Isikiyɛli 10:4

Marita wan-takanɛ bɔra nima-fan wonu kuma ka ta a sɔ Bato-Bɔn don-dɛ la. Wo kɔma, banda-fin-gbɛ tara Bato-Bɔn lafa pen! Kata wo mumɛ burɛ rafara Allata wan-takɛ la waran!

Isikiyɛli 11:23

Wo kɔma, Marita wan-takanɛ wo ya Yerusalɛm boloka. Kɔnkɛ min bi soe wo tele-bɔɛ wara la, a yɛlɛta nyɔ kuma.

Isikiyɛli 3:23

Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Yɔni 11:41

Anu ya kuri bɔ a dɛ la. Yisa ya a yɛ layɛlɛ san ma, a ko, “N Fa, n bi baraka birala i ye bawo i si i wɔlɔ matɔlɔ n na.

Yɔni 12:41

Nɛbi Aiseya ya kɛ sɛbɛ bawo Alla ya Yisala gbiliyɛ yira a la nun ka ala koe sɛbɛ.

Yɔni 14:3

N ba ta kan tinɛ wonu tabɛn wo ye, n si na tun ka wo bi ka ta wo la n bolo. Woletɔ n ba ta kan min, wo fanan si to n fɛ nyɔ.

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 4:8

Pita fanɛ Allala Ni-Sɛnimɛ la min kɛ, a ya Isirɛla kun-tiginu anubɛ mɔgɔ-banu yabi ko,

Kɛwɔlɛnu 6:10

Kɔnɔ Allata Ni-Sɛnimɛ ya hɛnkili di Sitifen ma kosɛbɛ! A wa kuma tumɛ min, anu ti ke a nɔla kumɛ rɔ.

Kɛwɔlɛnu 6:3

Woletɔ n diyana-mɔgɛnu, wo ni kei wɔrɔnfila yabɔ wo tɛma, mɔgɛnu bi minnu matɔgɔla ko anu fanɛ Allala Ni-Sɛnimɛ anubɛ hɛnkili la. Ma ni wonu sigi koe kɛ kun na.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kɛwɔlɛnu 6:8

Nba, Allata duwɛ yigira Sitifen kuma bɛrɛkɛ! Sɛnbɛ ye a bolo Alla wara la. A ya tamasere-wɛnu anubɛ kabana-koenu kɛ mɔgɛnu tɛma.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 8:1

Ma ye koe min fɔ tinɛ wo ye kɛ la, wo kunyɛ le kɛ la. Saraka-masɔla-kun-tigi-wɛ ye ma bolo min siginɛ Allata mansaya-waganɛ kɔɛn-nyimɛ rɔ Arinyɛni tɔ.

2 Pita 1:17

Ma Fa Alla ya bonyɛ anubɛ gbiliyɛ di a ma kɔnkɛ kuma tumɛ min, ma ye nyɔ nun. Ma ya kan-belebele-wɛ lamɔɛn ka bɔ Allata gbiliya-makawanɛ rɔ. A ko, “N diyana-dan le kɛ la, min bara n hɛnɛ feu!”

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.