Kɛwɔlɛnu 7:45 - ALLALA KUMƐ

⁴⁵ Wo kɔma, ma benba minnu tara Yasowa fɛ nyamanɛ bi tinɛ nyɔ-sibolenu bolo, wonu ya Allata Fani-Bɔn wo sɔrɔn anu fanu bolo ka ta wo dununa anu bolo, ado Alla le ya sibole wonu gben anu yarɔ. Fani-Bɔn wo tora nyɔ ha Mansa Dawudata wati.

Kɛwɔlɛnu 7:45 ပူးပေါင်းရင်းမြစ်များ

1 Mansɛnu 8:4

Anu ya a bi ka ta a la Mari Bato-Bɔn dafɛ. Lifayi bɔnsɔn-mɔgɛnu anubɛ saraka-masɔlɛnu tara Marita Fani-Bɔn nyɛrɛ bi anubɛ a miran bɛɛsi ka ta anu to Bato-Bɔn la.

1 Ko-Kɔrɔta-Karan 16:39

Mansɛ ya Saraka-Masɔla Sedoki anubɛ a ta-nyɔgɔ-saraka-masɔlɛ donu sɔ mɔgɛnu yakɔrɔ Mari bato tinɛ fani-bɔn la Kibiyon soe burɔ.

1 Ko-Kɔrɔta-Karan 21:29

Nɛbi Musa ya Marita Fani-Bɔn anubɛ saraka-mintan-tinɛ min nadan wulɛ rɔ, wonu bi Kibiyon soe burɔ nun kɛ wati rɔ.

1 Ko-Kɔrɔta-Karan 7:27

Ilasama ya Nun sɔrɔn. Nun ya Yasowa sɔrɔn.

Nihɛmaya 9:24

Wo kɔma, anu ya Kenan nyamanɛ bi, ado mɔgɛ min siginɛ nyɔ, anu ya wonu nɔ bɛrɛbɛrɛkɛ! I ya a ma, ila mɔgɛnu ya Kenan nyamanɛ nɔ-fanka sɔrɔn wo kɔma, ka anu sakorɔ-koe kɛ anubɛ anuna mɔgɛnu na.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Kɛwɔlɛnu 13:19

A ya sibolo wɔrɔnfila halaki Kenan nyamanɛ rɔ ka anuta dugi di ma benbanu ma.

Tɔn-Fɔɛ-Fila-Nyɔgɛ 32:49

“Mohabu nyamanɛ kɛ rayen Yɛrikɔ soe ya-telen tɔ Abarim kɔnkɛnu bi kan min. Ta, i ni yɛlɛ Nibɔ kɔnkɛ kuma nyɔ rɔ. I ni Kenan nyamanɛ mafɛlɛn n bi nala min dila Isirɛla mɔgɛnu ma.

Hiburunu 4:8

Nba, Yasowa ma ke mɔgɛ wonu nadonna Allata lanyiri-nyamanɛ rɔ, anu si anu sulen kan min nun. Ma ya wo lɔn bawo Alla ara tele-gbɛrɛla koe fɔ tun wo kɔma.

Yasowa 18:1

Anu banta kɛlɛ kɛla wati min, Isirɛla mɔgɛ bɛɛsi nara Sailo. Saraka-masɔlɛnu anubɛ anu madɛnbɛnɛnu ya Marita Fani-Bɔn sɔ nyɔ.

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

Yasowa 24:18

Sibolo-gbɛrɛ bɛɛ minnu siginɛ nyamanɛ kɛ rɔ nun, Mari ya wonu gben ma yarɔ hali Amoranu fanan. Woletɔ male si Mari Alla bato bawo mata Mari le.”

Kɛlɛ-Kurugbɛnu 18:31

Allata Fani-Bɔn taranta Sailo soe burɔ wati mumɛ kɛ bɛɛ rɔ. Maikata bɛsɛ kɛ fanan taranta Dan bɔnsɔnnu bolo nyɔ.

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.