Kɛwɔlɛnu 7:43 - ALLALA KUMƐ

⁴³ Wo ye bɛsɛ min kelela ko, Molɛki, wo ya wola fani-bɔn maduni. Wo ye bɛsɛ min kelela ko, Rɛfan min sɔnɛ lolenuna ko la, wo ya wola muninyɛ maduni. Wo ya bɛsɛ wonu nadan ka wonu denu kɔ. Woletɔ n si wo lata biralɛ rɔ fɔɔ Babilɔn nyamanɛ kɔma.’

Kɛwɔlɛnu 7:43 ပူးပေါင်းရင်းမြစ်များ

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Emɔsi 5:25

“Wole Isirɛla mɔgɛnu, Mari ko wo ye wulɛ rɔ san bi-nani kɔrɔ tumɛ min, wo ya wola sarakɛnu anubɛ kɔ-fan minnu di Mari ma, wo ma anu di a ma wo yisi bɛɛ la.