Kɛwɔlɛnu 7:35 - ALLALA KUMƐ

³⁵ “Ado nfan, Musa wo le kɛ la, Isirɛla mɔgɛnu ya anu ban min na ka a fɔ a ma ko, ‘Yon ya ile ma kun-tigi anubɛ kiti-tɛgɛlɛ la ma kuma?’ Alla ya ale le sɔ ka a ma kun-tigi anubɛ kisilɛ la, yɔ! A ya melika min yen ta-mɛlan rɔ kɔlɔma-nɛ rɔ, melika wo le ye a dɛnbɛna mɔgɔ-kisi-koe la.

Kɛwɔlɛnu 7:35 ပူးပေါင်းရင်းမြစ်များ

Yaburi 75:7

Alla nyɛrɛ le kiti-tɛgɛlɛ la. A si yoe di donu ma ka donu yiliki.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Bɔ-Koe-Iyipiti 14:19

Allala melika min bi banda-fin-gbɛ wo rɔ Isirɛla mɔgɛnu yarɔ, wo bɔra nyɔ ka sɛgi anu kɔma kilɛ la.

Bɔ-Koe-Iyipiti 14:24

Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali!

Bɔ-Koe-Iyipiti 2:14

Wo ya a yabi ko, “Yon ya i ma kun-tigi anubɛ kiti-tɛgɛlɛ la ma tɛma? A ye i kɔntɔ ka nde faga, wa, iko i ya Iyipiti kɛ wo faga nya min kunu?” Wo kɔma, Musa kilanta. A ya a miri a nyɛrɛ ma ko, “Tumado mɔgɛnu bara nna mɔgɔ-faga-koe kɛ lɔn.”

Bɔ-Koe-Iyipiti 32:34

Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yilan-Yilan Koe 20:16

Ma dira ko Mari ni ma dɛnbɛ min kɛ, Mari ya ma di-kɛ-kan wo lamɔɛn. A ya melika lana ka ma labɔ Iyipiti nyamanɛ rɔ. Kɔnɔ kaka, ma ye Kɛdɛsi dagɛ rɔ ila nyamanɛ dala.

Maraka 12:26

Nba, ka furi-lawuli-koe fɔ, Alla ya min fɔ wo ye, wo ma wo karan bɛ, wa? Ta-mɛlan ye kɔlɔma-mɛsɛ min tɔ, Musa ya wo sɛbɛ kan min, Alla ya a fɔ Nɛbi Musa ye ko Iburayimata Alla le ale la anubɛ Isiyakata Alla anubɛ Yakobata Alla.

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Yɔni 18:40

Anu gbele-gbelenta ka a yabi ko, “Ade, i kana ale boloka! I ni Barabasi boloka!” (Nba, Barabasi, bui-ma-kɛlɛ le nun.)

Yɔni 19:15

Anu ya a lasɔnkɔ tun ko, “A faga! A gbangban ka a faga kɔlɔma ma!” Pailɛti ya anu manyinika ko, “Wo ye a fɛ, n ni wola mansɛ gbangban kɔlɔma ma, wa?” Saraka-masɔla-wɛnu ya a yabi ko, “Mansa-gbɛrɛ sa ma bolo fɔ min bi Romu nyamanɛ kun na!”

Kɛwɔlɛnu 2:36

“Nba, wole Isirɛla mɔgɛ bɛɛ ni a lɔn serr, ko wo ya Yisa min gbangban kɔlɔma ma, Alla ara wo le ma Mari anubɛ ata Mɔgɔ-Yabɔnɛ la gbɛ!”

Kɛwɔlɛnu 3:22

Musa ko wola Mari Alla si nɛbi do lana wo ma iko a ya ale lana nya min. A si bɔ wo nyɛrɛta mɔgɛnu tɛma. A ko ale wa min bɛɛ fɔ wo ye, wo ni wo tole masɔ wo la.

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Kɛwɔlɛnu 7:30

“San bi-nani tenbira tumɛ min, melika bɔra gbɛ rɔ a ye ta-mɛlan rɔ kɔlɔma-nɛ do rɔ. Wo mara Sinayi kɔnkɛ dafɛ wulɛ rɔ.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Kɔlɔsi 1:15

Alla min ti yen, ata muninyɛ le Kirasiti la. Yanni fenfen ni dan, a ye nyɔ nun, ado dali-fan-bɛɛta kun-tigi le ale la.

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.

1 Samuwɛli 12:8

“Ma benba Yakoba anubɛ ala denbayɛnu tara anu sigi Iyipiti tumɛ min, Iyipiti kɛnu tora anu tɔrɔ-belebele-wɛ kɛla ka anu kɔndɔfili. Wo benbanu tora dila Mari dala anu dɛnbɛn-koe la. A ya Musa anubɛ Aruna lata anu kunka tinɛ. Wonu denu bɔra wo benbanu na Iyipiti ka na anu na nyamanɛ kɛ rɔ yan.