Kɛwɔlɛnu 7:14 - ALLALA KUMƐ

¹⁴ Wo kɔma, Yusufu ya sarakanɛ lata a fa Yakoba ma ka a fɔ a ye ko anubɛ ala denbayɛ bɛɛ ni na sigi Iyipiti nyamanɛ rɔ. Anu dama lakofunɛ, mɔgɔ bi-wɔrɔnfila ani mɔgɔ loli (75) le nun.

Kɛwɔlɛnu 7:14 ပူးပေါင်းရင်းမြစ်များ

Ko-Dabirɛnu 45:13

Wo ni ta wo dantɛgɛ ma fa ye n bi fanka min tɔ yan Iyipiti nyamanɛ kɛ rɔ. Wo ara koe min bɛɛsi rayen yan tɔ, wo ni ta wo bɛɛsi rakaran a ye. Wo ni a fɔ a ye ko a ni a lakaliya nala.”

Ko-Dabirɛnu 46:12

Yakobala den Yuda wo tara ala den-kei mɔgɔ sawɛ la a bolo, Sela wo, Pɛrɛsi wo, anubɛ Sera. Kɔnɔ Pɛrɛsi wo tara ala den-kei mɔgɔ fila la a bolo, Hɛsirɔn anubɛ Hamula. Kɔnɔ Yudala den-kei mɔgɔ filɛ, Ɛra anubɛ Onan, wonu fagara Kenan nyamanɛ rɔ.

Yaburi 105:23

Wo kɔma, a fa Yakoba fanan tara Iyipiti. Wo tara sigi nyamanɛ wo rɔ sundanyɛ la.

Bɔ-Koe-Iyipiti 1:5

Yakoba bɔnsɔn-mɔgɛnu nakofunɛ bɛnta mɔgɔ bi-wɔrɔnfila (70) ma. Kɔnɔ anu ya anu na-kelen-nyɔgɛ Yusufu taran Iyipiti.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Tɔn-Fɔɛ-Fila-Nyɔgɛ 10:22

Nba, wo ni wo miri kɛ ma de! Wo benbanu bi tala Iyipiti tumɛ min, anu mɔgɔ bi-wɔrɔnfila pe! Kɔnɔ kaka, wota Mari Alla ara a ma, wo ara siyaya iko lolenu.”