Kɛwɔlɛnu 6:9 - ALLALA KUMƐ

⁹ Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.

Kɛwɔlɛnu 6:9 ပူးပေါင်းရင်းမြစ်များ

Matiyu 10:17

Wo ni a ma wo fɛrɛma bawo mɔgɛ donu bi nyɔ minnu si wo bira ka ta wo la kiti tɛgɛ tinɛ. Anu si wo gbesi Yahudiya-dina-bɔnnu na.

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Matiyu 27:32

Anu bi tala tumɛ min, anu bɛnta kei do la ka bɔ Sairini soe burɔ min tɔgɛ Saimon. Anu ya a fɔrɔsɛ ka Yisala faga-kɔlɔma bi.

Maraka 13:9

“Wo ni a ma wo fɛrɛma bawo anu si wo kiti ka wo ladon Yahudiya-dina-bɔnnu na anu si wo gbesi kan min. Anu si ta wo la kun-tiginu anubɛ mansɛnu bara ndela ko la ko wo ni ma sereyɛnu na n ye.

Luka 21:12

Kɔnɔ yanni koe kɛ bɛɛ ni ma, anu si wo bira ka wo bɛnsɛnkɔninya. Anu si wo ladon Yahudiya-dina-bɔnnu na ka wo kiti ka wo mara. Anu si ta wo la mansɛnu anubɛ kun-tiginu bara ndela ko la.

Kɛwɔlɛnu 11:20

Kɔnɔ minnu dɛnkɛninyanɛ Saiparasi anubɛ Sairini soenu burɔ, wo donu tara Antiyaki ka Mari Yisata kibara-nyima-kawandili bɔ sibolo-gbɛrɛnu ye.

Kɛwɔlɛnu 13:1

Nɛbinu anubɛ karan-mɔgɛnu bi Mari Yisata mɔgɛnu tɛma nun Antiyaki soe burɔ. Wonu denu bi Banabasi anubɛ Simiyɔn, (anu bi min kelela fanan ko, “Fara-finyɛ,”) anubɛ Lusiya min bɔra Sairini soe burɔ, anubɛ Maneyan, minnubɛ Mansa Hɛrodi makolota anu nyɔgɔn fɛ, anubɛ Sɔli.

Kɛwɔlɛnu 13:45

Yahudiyanu ya nyama yen tumɛ min, keliyɛ wulita anu na kati! Anu ya Pɔli manyini ka ala kumɛ bɛɛ masɔsɔ.

Kɛwɔlɛnu 15:23

Anu ya kɛdi sɛbɛ ka a don anu bolo. Kɛdi wo ko, “Male Mari Yisata kilayɛnu anubɛ mɔgɔ-banu, “Ma ye wole, ma na-kelen-nyɔgɛ sibolo-gbɛrɛnu kɔndɔnna minnu siginɛ Antiyaki soe anubɛ Siriya anubɛ Salesiya nyamanɛnu tɔ.

Kɛwɔlɛnu 15:41

Anu tara Siriya anubɛ Salesiya nyamanɛnu tɔ ka nyɔ-dɛnkɛninya-mɔgɛnu sɛnbɛ don.

Kɛwɔlɛnu 16:6

Pɔli anubɛ a ta-nyɔgɛnu tara Parigiya anubɛ Kalesiya nyamanɛnu tɔ kɔnɔ Allata Ni-Sɛnimɛ ya a ragbɛ anu ye ko anu kana kawandili bɔ Esiya nyamanɛ rɔ.

Kɛwɔlɛnu 18:24

Yahudiya do nara Ɛfɛsa soe burɔ min tɔgɛ Apɔlɔsi. A sɔrɔnta Alɛsandariya soe burɔ. A kusan kumala, ado a karannɛ Yahudiyanuna kitabu ma bɛrɛkɛ!

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

Kɛwɔlɛnu 21:27

Sɛninya-tele wɔrɔnfilɛ wo ban-tumɛ gbɛrɛnta tumɛ min, Yahudiya donu nara ka bɔ Esiya nyamanɛ rɔ. Wonu ya Pɔli yen Alla-Bato-Bɔn la. Anu ya nyama bɛɛ latugu ko anu ni Pɔli bira.

Kɛwɔlɛnu 21:39

Pɔli ya a yabi ko, “Yahudiya le nde la. N sɔrɔnta Tarasa, Salesiya nyamanita-so-karantan do rɔ, kɔni. N fa, i yandi, i ni sɔn, n ni kuma mɔgɛnu na.”

Kɛwɔlɛnu 22:19

N ya a fɔ ko, ‘Mari, n tara ileta mɔgɛnu gbesi dina-bɔnnu na nya min ka wonu bira, bɛɛ ya wo lɔn serr!

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

Kɛwɔlɛnu 23:34

Sigisɔn-mansɛ ya kɛdi wo karan. A ya Pɔli manyinika ko, “I bɔra nyamanɛ mintan tɔ?” A ya a lɔn tumɛ min ko a bɔra Salesiya nyamanɛ le tɔ,

Kɛwɔlɛnu 24:18

N bi wo kun na tumɛ min, anu ya n taran Alla-Bato-Bɔn la, ado n ban-san le sɛninya-koe wo kanbalila wulɔn. Nyama sa n fɛ, sɔnkɔ-sɔnkɔ sa n fɛ.

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.

Kɛwɔlɛnu 6:10

Kɔnɔ Allata Ni-Sɛnimɛ ya hɛnkili di Sitifen ma kosɛbɛ! A wa kuma tumɛ min, anu ti ke a nɔla kumɛ rɔ.

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!

Kalesiya 1:21

Wo kɔma, n tara Siriya anubɛ Salesiya nyamanɛnu tɔ.