Kɛwɔlɛnu 6:6 - ALLALA KUMƐ

⁶ Nyama ya wonu yira Marita kilayɛnu na. Wonu ya Alla matara anu ye ka anu bole sa anu kuma.

Kɛwɔlɛnu 6:6 ပူးပေါင်းရင်းမြစ်များ

Yilan-Yilan Koe 27:18

Mari ya Musa yabi ko, “N bara a lɔn ka a fɔ ko Nunna den Yasowa, wo si ke le ka sɔ mɔgɛ kɛnu yarɔ. A kele. A ni a sɔ Saraka-Masɔla Ɛliyasa yakɔrɔ anubɛ Isirɛla mɔgɛ bɛɛsi yakɔrɔ. Ile, Musa ni i bole sa a kun tɛma ka a dantɛgɛ nde, Mari ma. I si ale yira mɔgɛnu na.

Yilan-Yilan Koe 8:10

Isirɛla mɔgɛnu ba na tumɛ min, anu damasi ni anu bole sa Lifayi bɔnsɔn kebila-mɔgɛnu kuma ka anu di nde, Mari ma anuna den-kei fɔlɔtɛnu gbɛ rɔ. Wo kɔma, Aruna ni Lifayi mɔgɛnu dantɛgɛ nde, Mari ma nta wɔlɛla ko la.

Maraka 5:23

ka a madiya a sɛbɛ-kuna-wɛ la! A ko, “Nna dunmusu fagamatoe le! I yandi, na. I ni i kɔɛn sa a kuma alako a si kɛndɛya nya min!”

Kɛwɔlɛnu 1:24

Wo kɔma, anu ya Alla madiya ko, “Mari, ile le ya mɔgɛ bɛɛ miriya lɔn. Mɔgɔ filɛ kɛnu tɔ, i wa min yabɔ ko

Kɛwɔlɛnu 13:3

Anu tora sunyɛ rɔ Alla matara tinɛ. Anu ban wo la, anu ya anu bole sa wonu kuma ka anu nata.

Kɛwɔlɛnu 19:6

Pɔli ya a bole sa anu kuma tumɛ min, anu fanan ya Allata Ni-Sɛnimɛ sɔrɔn. Anu kumara kan-gbɛrɛnu tɔ ka wɔlɔyiya-kumɛ fɔ iko fɔlɔ-mɔgɛnu.

Kɛwɔlɛnu 8:17

Wo kɔma, Pita anubɛ Yɔni ya anu bole sa wonu kuma. Anu fanan ya Allata Ni-Sɛnimɛ sɔrɔn.

Kɛwɔlɛnu 9:12

Ale Sɔli fanan ara ko-rayen-kɛ nun. A ara kei do yen nala a wara ala ko-rayirɛ wo rɔ nun min tɔgɛ Ananayasi. A ke nyɔ, a ya a bole sa a kuma ko-rayirɛ wo rɔ alako a yɛ la ni ka.”

Kɛwɔlɛnu 9:17

Woletɔ Ananayasi tara bɔn wo la. A ke nyɔ, a ya a bole sa Sɔli kuma. A ko, “N na-kelen-nyɔgɛ Sɔli, i ya Mari Yisa min yen kilɛ la, wo le ara n sɔ i wara. A ara n sɔ alako i yɛ la ni ka tun. Wo kɔma, i si fa Allata Ni-Sɛnimɛ la.”

Tɔn-Fɔɛ-Fila-Nyɔgɛ 34:9

Nunna dan Yasowa salɛ fanɛ hɛnkili la bawo Musa ara ban a dantɛgɛla Mari ma a nyɛrɛ gbɛ rɔ. Mari ya tɔn minnu di Musa ma nun, Isirɛla mɔgɛnu ya wonu bira anu bolo filɛ la gben Yasowa bolo.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.

2 Timoti 1:6

Wo le ya a to, n bi i hɛnkili bilala ko Alla ya fandɛ min di i ma, i ni wo mara a kin na! N ya n bole sa i kuma tumɛ min, i ya wo sɔrɔn tumɛ wo le tɔ,

Hiburunu 6:2

Batasi-ko-karan wo, bolo-sa-koe mɔgɔ kuma wo, furi-lawuli-karan wo, Allata-kiti-ko-karan wo, ma kana to sɛgila wonu ma tun.