Kɛwɔlɛnu 6:14 - ALLALA KUMƐ

¹⁴ Ma ya a lamɔɛn a ye a fɔla ko Nasarɛti kɛ Yisa kɛ si Alla-Bato-Bɔn wayan, ado Nɛbi Musa ya namu minnu to ma bolo, ale Yisa ya wo bɛɛ yɛlɛma!”

Kɛwɔlɛnu 6:14 ပူးပေါင်းရင်းမြစ်များ

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Yɛrɛmaya 26:12

Wo kɔma, n ya a fɔ wo ye ko, “N bara kumɛ min fɔ Bato-Bɔn anubɛ soe kɛla ko ma, Mari le ya n sɔ wonu fɔ-tinɛ.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 11:1

Ile Lɛbanan nyamanɛ, ila dɛnu naka alako tɛ ni na sida-kɔlɔma bɛɛ mintan i rɔ.

Sakaraya 14:2

Mari ko a si sibole bɛɛ kundɛn kan-tina-kelen ka Yerusalɛm kɛlɛ. Anu si wola soe bi wo bolo ka wola bɔnnu nakolonya ka digin wola musinu ma. Kɛlɛ si ta nyama tɔnkɔn la. A toenu si to wola so-tinyanɛ burɔ nyɔ.

Matiyu 26:61

Anu ko, “Kei kɛ ko a si ke ka Alla-Bato-Bɔn wayan ka a sɔ tun tele sawa kɔrɔ.”

Maraka 14:58

Anu ko, “Ma ya a lamɔɛn a ye a fɔla ko mɔgɛnu bara Alla-Bato-Bɔn kɛ min sɔ, a si wo wayan. Tele sawa kɔma, a si a kurɛ sɔ tun, mɔgɔ ma min sɔ.”

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Luka 21:6

“Wo ye min bɛɛ yenna kɛ la, tumɛ ye nala, kuri kɛnu, hali kelen bɛrɛn ti to a gbɛ rɔ. A bɛɛ ra si nyɛnsɛn.”

Yɔni 2:19

Yisa ya anu yabi ko, “Wo ni Alla-Bato-Bɔn kɛ wayan, n si a sɔ tun tele sawa kɔrɔ.”

Yɔni 4:21

Yisa ya a fɔ a ye ko, “I ni la nna kumɛ kɛ la. Wati do ye nala, mɔgɛnu ti ma Fa Alla bato kɔnkɛ kɛ kuma tun, ado anu ti a bato Yerusalɛm.

Kɛwɔlɛnu 15:1

Pɔli anubɛ Banabasi ye Siriya-Antiyaki tumɛ min, mɔgɛ donu nara ka bɔ Yudiya nyamanɛ rɔ. Anu ya Marita mɔgɛnu karan ko mɔgɛ ti ke kisila fɔ a ni kemininya iko Musata tɔn ya a fɔ nya min.

Kɛwɔlɛnu 21:21

A fɔra anu ye nun ko Yahudiya min bɛɛ siginɛ sibolo-gbɛrɛnuna nyamanɛnu tɔ ko i ye wonu karanna ko hali anu ma Musata tɔn bira. Anu ya a lamɔɛn ko anu kana anuna dannu nakemininya anubɛ anu kana Yahudiyanuna namunyɛ bira.

Kɛwɔlɛnu 25:8

Pɔli ya a nyɛrɛ fɛka ko, “Nde ma Yahudiyanuna tɔn tinya. N ma ko-wo-ko tinya Alla-Bato-Bɔn la. N ma ko-wo-ko tinya Romu nyamanɛ kun-tigi-ba wara la.”

Kɛwɔlɛnu 26:3

bawo ile ya Yahudiya-namu anubɛ mala sɔsɔli-kurinu lɔn feu! Woletɔ n bi i madiyala ko i ni i munyu n kɔrɔ ka i wɔlɔ matɔlɔ.

Kɛwɔlɛnu 28:17

Tele sawa kɔma, Pɔli ya Yahudiya mɔgɔ-banu kele ladɛn rɔ. Anu nadɛnta tumɛ min, a ya a fɔ anu ye ko, “N na-kelen-nyɔgɛnu! N ma ko-wo-ko kɛ mala mɔgɛnu kan ma. Ma ya namu minnu sɔrɔn ma benbanu bolo, n ma wo fenfen tinya. Hali wo, anu ya n sa yele la Yerusalɛm ka n don Romu kɛnu bolo.

Kalesiya 3:19

Nba, Nɛbi Musata tɔn-kitabu dira nfenna worɔ? A kofura lanyiri ma le alako ka mala ko-yogomɛnu nabɔ gbɛ ma, ado tɔn-kitabu wo ni to ha lanyiri kirita Iburayima bɔnsɔn minna ko la, wo ni na tumɛ min. Alla ya ata tɔn-kitabu di melikanu ma alako anu ni a don Nɛbi Musa bolo. Ale le ya a latenbi mɔgɛnu ma.

Kalesiya 3:23

Ado nfan, yanni wati ni ke ka dɛnkɛninya Yisa ma, Nɛbi Musata tɔn-kitabu ya ma dama mara iko yelela-mɔgɛnu ha Alla ya a yira mɔgɛnu na, anu ni dɛnkɛninya Yisa ma tumɛ min,