Kɛwɔlɛnu 5:39 - ALLALA KUMƐ

³⁹ Kɔnɔ ni Allatɛ le wo la, wo ti ke anu nɔla mumɛ! Wo si a yen ko wo ye Alla le kɛlɛla tun!” Mɔgɔ-banu ya karan-mɔgɔ Kamaliyɛlila kumɛ bira.

Kɛwɔlɛnu 5:39 ပူးပေါင်းရင်းမြစ်များ

Ko-Dabirɛnu 24:50

Leban anubɛ Bɛtuwɛli ya a yabi wo rɔ ko, “Bawo Marita ko-rabɛnnɛ le kɛ la, woletɔ ma ti ke a yɛlɛmana.

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

1 Mansɛnu 12:24

anu kana ta anu na-kelen-nyɔgɛ Isirɛla mɔgɛnu kɛlɛ. Anu ni sɛgi anu barɛ. Koe min bɛɛsi ara ma kɛ la, a sako le wo la. Nɛbi Sɛmaya tara Mari kuman-kan wo latenbi anu ma tumɛ min, anu dama sɛgira anu barɛnu tɔ.

2 Mansɛnu 19:22

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Kɛwɔlɛnu 11:17

ado a ara gbɛ feu, ko male dɛnkɛninyara Mari Yisa, Allata-Mɔgɔ-Yabɔnɛ ma tumɛ min ko Alla ya kɔ-fan min di male ma, a ara wo sifa le di sibolo-gbɛrɛnu ma. Nba, nfen bi nde la nun worɔ ko n ni Alla lakala?”

Kɛwɔlɛnu 23:9

Woletɔ sɔnkɔ-sɔnkɛ koloyara. Tɔn-karan-mɔgɛ do minnu bi Farisinuna dina rɔ, wonu sɔra ka sɔsɔli-ba kɛ ko, “Ni kei kɛ ara ko-yogomɛ kɛ, male ma wo yen! Tumado tonyɛ le, nima-fan do ara kuma a ye nun, ni wo ma, melika.”

Kɛwɔlɛnu 6:10

Kɔnɔ Allata Ni-Sɛnimɛ ya hɛnkili di Sitifen ma kosɛbɛ! A wa kuma tumɛ min, anu ti ke a nɔla kumɛ rɔ.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.

1 Kɔrɛnti 1:25

ado Allata yuwaya-hɛnkili kolo mɔgɛnuta hɛnkili-wɛ ko. Allala sɛnbɛbɔninyɛ kolo mɔgɛnuta sɛnbɛ-belebele-wɛ ko.

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?