Kɛwɔlɛnu 5:32 - ALLALA KUMƐ

³² Koe kɛnu sereyɛ le male la. Alla ara ata Ni-Sɛnimɛ di ata kuma-biralɛnu ma.”

Kɛwɔlɛnu 5:32 ပူးပေါင်းရင်းမြစ်များ

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 10:44

Pita ye kumala tumɛ min, min bɛɛ tole masɔnɛ wo kumɛ la, Allata Ni-Sɛnimɛ yigira wonu dama kuma.

Kɛwɔlɛnu 13:31

Anubɛ ala karan-dan minnu bɔra Kalili sigisɔn rɔ ka ta Yerusalɛm, a ya tele siyaman kɛ wonu fɛ, ado wonu denu bi sereyɛ bɔla Isirɛla mɔgɛnu ye kaka.

Kɛwɔlɛnu 15:28

Allata Ni-Sɛnimɛ anubɛ male ara sɔn ko dunu-gbɛrɛ kana sa wo kuma fɔ tɔn kɛ minnu fɛrɛ sa.

Kɛwɔlɛnu 2:32

Alla ara Yisa nyɛrɛ kɛ lawuli ka a bɔ furinu tɛma. Ma damasi le sereyɛ wo la.

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

Romu 8:16

Allata Niyi ye ma yisi rɔ alako a ni a yira ma la ko Allata dan le ma la.

2 Kɔrɛnti 13:1

Iko a sɛbɛnɛ Allata kitabu rɔ nya min ko, “Mɔgɔ kelenna sereya-bɔɛ ti a ma, wo ni mɔgɛ yiliki fɔ sereya fila, ni wo ma, sawa.” Nba, n kinyama sawa nyɔgɔn le kɛ la gbɛ, n bi nala wo kɔndɔnna.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.