Kɛwɔlɛnu 5:14 - ALLALA KUMƐ

¹⁴ Keinubɛ musi min bɛɛ dɛnkɛninyara Mari ma, wonu tora kofula anu ma dɛɛ!

Kɛwɔlɛnu 5:14 ပူးပေါင်းရင်းမြစ်များ

2 Samuwɛli 6:19

A ya dɔn-fan tala mɔgɛnu na. Min bɛɛ ye nyɔ wo wati rɔ, kei wo, musi wo, wo bɛɛ ya biredi-lɔngbɔn kelen-kelen anubɛ dɛgɛ-mayilannɛ anubɛ nɔnbɔ-gbɔ-gbalanɛ sɔrɔn. Wo kɔma, anu wayanta. Bɛɛ tara a warɛ.

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Nihɛmaya 8:2

Ale Ɛsira tara a bi ka na a la nyama wo tɛma. Keinu anubɛ musinu bi nyɔ anubɛ dennɛ minnu bara anu hɛnkili sɔrɔn.

Bɔ-Koe-Iyipiti 35:22

Kei anubɛ musi minnu sɔnta, wonu tara anuna bolo-kalama-dɛɛnnu na anubɛ anuna tolola-fannu anubɛ anuna dɛɛn-kɔlɔnɛnu anubɛ anuna kan-na-fan minnu nadannɛ sɛnɛ la ka wonu dantɛgɛ Mari ma. Anu nara anu mabɛn-fannu na ka wonu di Mari ma.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Kɛwɔlɛnu 11:24

Mɔgɔ-nyimɛ le Banabasi la. A fanɛ Allata Ni-Sɛnimɛ anubɛ dɛnkɛninyɛ la, woletɔ mɔgɔ siyaman mara Maritɛ la nyɔ.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 22:4

N ya Yisata mɔgɛnu tɔrɔya ka donu faga anu tɔ. N ya keinubɛ musinu bira ka anu nadon yele la.

Kɛwɔlɛnu 4:4

Kɔnɔ minnu ya anuna makawandili-kumɛ wo lamɔɛn, wo siyaman dɛnkɛninyara, ado anu damasi lakofunɛ mara a keima waga loli nyɔgɔn (5,000) na.

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

Kɛwɔlɛnu 8:12

Kɔnɔ Filipi ya Allala mansayɛ anubɛ Allata-Mɔgɔ-Yabɔnɛ wo kibara-nyimɛ lake tumɛ min, anu dama dɛnkɛninyara ka batasi, a keima wo, a musuma wo.

Kɛwɔlɛnu 8:3

Sɔli ya a raya ka Allata mɔgɛnu tatinya. A donta bɔn bɛɛ la ka dɛnkɛninya-mɔgɛnu sagan ka anu nabɔ, a keima wo, a musuma wo. A ya wonu sa yele la.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Kɛwɔlɛnu 9:35

Lida anubɛ Sarɔn kɛnu ya ale Eniyasi kɛndɛ yen tumɛ min, anu dɛnkɛninyara Mari ma ka ma ata mɔgɛnu na.

Kɛwɔlɛnu 9:42

Koe kɛ mankan nyɛnsɛnta Yapa soe burɔ kan tinɛ bɛɛ. Mɔgɔ siyaman dɛnkɛninyara Mari ma wola ko la.

2 Kɔrɛnti 6:15

Ado nfan, Kirasiti anubɛ Setanɛ si bɛn kama? Dɛnkɛninya-mɔgɛla nfen bi dɛnkɛninyabɛlɛ bolo?

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.