Kɛwɔlɛnu 4:36 - ALLALA KUMƐ

³⁶ Lifayi bɔnsɔn-mɔgɛ do ye nyɔ nun min sɔrɔnta yi-tɛma-dugi do rɔ min tɔgɛ Saiparasi. A tɔgɛ Yusufu. Yisata kilayɛnu ya a kele ko Banabasi. (Tɔgɛ wo kɔrɛ le ko, “Min si mɔgɛ yisi-kimɛ.”)

Kɛwɔlɛnu 4:36 ပူးပေါင်းရင်းမြစ်များ

Maraka 3:17

anubɛ Sɛbɛdila dannu Yemesi anubɛ Yɔni wo (Yisa ya minnu kele fanan ko, “San-gbalamɛla dannu”),

Kɛwɔlɛnu 11:30

Anu ya wodi wo don Banabasi anubɛ Sɔli bolo ka a lata Mari Yisata mɔgɔ-banu ma Yerusalɛm soe burɔ.

Kɛwɔlɛnu 12:25

Banabasi anubɛ Sɔli ya anuna wɔlɛ ban tumɛ min, anu bɔra Yerusalɛm soe burɔ ka sɛgi Antiyaki soe burɔ. Anu tara Yɔni-Maraka la anu bolo.

Kɛwɔlɛnu 13:1

Nɛbinu anubɛ karan-mɔgɛnu bi Mari Yisata mɔgɛnu tɛma nun Antiyaki soe burɔ. Wonu denu bi Banabasi anubɛ Simiyɔn, (anu bi min kelela fanan ko, “Fara-finyɛ,”) anubɛ Lusiya min bɔra Sairini soe burɔ, anubɛ Maneyan, minnubɛ Mansa Hɛrodi makolota anu nyɔgɔn fɛ, anubɛ Sɔli.

Kɛwɔlɛnu 13:15

Dina-bon-kun-tiginu banta Musata tɔn anubɛ nɛbinuta buku karanna tumɛ min, anu ya Pɔli anubɛ Banabasi manyinika. Anu ko, “Ma na-kelen-nyɔgɛnu, ni kumɛ do ye wo bolo min si ma dɛnbɛ, wo ni wo fɔ ma ye.”

Kɛwɔlɛnu 13:2

Anu bi sunyɛ rɔ tumɛ min Mari bato tinɛ, Allata Ni-Sɛnimɛ ya a fɔ anu ye ko, “Wo ni Banabasi anubɛ Sɔli yabɔ n ye. N bara anu kele wɔlɛ min ma, anu ni wo kɛ.”

Kɛwɔlɛnu 13:4

Nba, Allata Ni-Sɛnimɛ ya Banabasi anubɛ Sɔli lata min kɛ, anu tara Sɛlusiya soe burɔ. Anu donta kulɔn rɔ nyɔ ka ta Saiparasi, yi-tɛma-dugi, kɔni.

Kɛwɔlɛnu 15:12

Nba, nyama bɛɛ ya anu tole masɔ kumɛ wo la a kin na! Alla ya kabana-koenu anubɛ tamasere min bɛɛ kɛ sibolo-gbɛrɛnu ye anuna wɔli fɛ, Banabasi anubɛ Pɔli ya wo bɛɛ rakaran anu ye.

Kɛwɔlɛnu 15:2

Kɛ mara sɔsɔli-belebele la Pɔli anubɛ Banabasi anubɛ mɔgɔ wonu tɛma. Woletɔ anu ya a latɛgɛ ko Pɔli wo, Banabasi wo, anubɛ Antiyaki kɛ donu ni ta Yerusalɛm alako Yisata kilayɛnu anubɛ nyɔ-mɔgɔ-banu ni anu kun nayigi kumɛ kɛla ko la.

Kɛwɔlɛnu 15:37

A sɔgɛ ye Banabasi la ko Yɔni-Maraka ni ta anu fɛ

Kɛwɔlɛnu 15:39

Wo mara sɔsɔli-belebele la anu tɛma ha anu farata anu nyɔgɔn na. Banabasi ya Yɔni-Maraka bi. Wonu donta kulɔn rɔ ka ta Saiparasi yi-tɛma-dugi rɔ.

Kɛwɔlɛnu 21:16

Marita mɔgɛ donu bɔra Sɛsariya soe burɔ ka bila ma fɛ. Ma tara to kei do warɛ min tɔgɛ Meson. Saiparasi kɛ le, ado Marita mɔgɛ le kebi fɔlɔfɔlɔ.

Kɛwɔlɛnu 21:3

Ma gbɛrɛnta yi-tɛma-dugi do ma min tɔgɛ Saiparasi. Ma ya wo to ma bolo-maran rɔ ka ta Siriya nyamanɛ rɔ. Ma sɔra Taya soe burɔ bawo anu bi dunɛnu nayigila nyɔ.

Kɛwɔlɛnu 27:4

Ma bɔɛ nyɔ, yi-tɛma-dugi min tɔgɔ Saiparasi, ma tara wo fina kelen fɛ bawo fɔnyɔ ya a kun sa ma ma.

Kɛwɔlɛnu 9:27

Nba, Banabasi nara a dɛnbɛn tinɛ ka ta a la Marita kilayɛnu bara. Sɔli ya Mari yen kilɛ la nya min anubɛ Mari ya min fɔ a ye, a ya wo bɛɛ rakaran anu ye. Sɔli ya kawandili bɔ yisi-latɛgɛ rɔ nya min Yisa tɔgɛ rɔ Damasika, a ya wo fanan takaran anu ye.

1 Kɔrɛnti 14:3

Kɔnɔ min bi Allala kumɛ fɔla, wo ye kumala mɔgɛnu denu ye. Kumɛ wo si mɔgɛnu dɛnbɛ ka anu sɛnbɛ don anubɛ ka anu yisi kimɛ.

1 Kɔrɛnti 9:6

Mabɛ Banabasi dɔrɔn de si wɔlɛ kɛ ma balula ko la, wa?

Kalesiya 2:1

San tan-ni-nani kɛ kɔma, mabɛ Banabasi tara Yerusalɛm tun. Taita fanan bilara n fɛ.

Kalesiya 2:13

Ma na-kelen-nyɔgɔ Yahudiya doinu fanan kilanta iko Pita. Hali Banabasi fanan bilara anu fɛ anuna kilan wo bolo.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

Kɔlɔsi 4:10

Aritaka min bi n dafɛ yele la yan, wo ye wo kɔndɔnna anubɛ Banabasi na-kelen-nyɔgɛ Maraka fanan. (N bara a fɔ wo ye nun ko a wa ke wo ma, wo ni a rabira a kin na!)