Kɛwɔlɛnu 4:31 - ALLALA KUMƐ

³¹ Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

Kɛwɔlɛnu 4:31 ပူးပေါင်းရင်းမြစ်များ

Aiseya 65:24

Yanni anu ni anu miri min ma, Mari ara wo di anu ma. Anu tenbi ale Mari manyinikala anu dɛnbɛn-koe rɔ, yaga, wo ye anu dɛnban kun na.

Matiyu 21:22

Ni dɛnkɛninyɛ ye wo bolo, wo wa fenfen tara madiyalɛ rɔ, wo si wo sɔrɔn.”

Yɔni 14:12

“N bi tonyɛ fɔla wo ye, min ba dɛnkɛninya nde ma, n bi kɛwɔli minnu kɛla, wo tigi fanan si wonu kɛ, ado a si donu kɛ minnu kolo kɛnu ko bawo n bi tala n Fa Alla warɛ.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 15:7

Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Kɛwɔlɛnu 14:3

Hali wo, Pɔli anubɛ Banabasi mɛra Marita koe fɔla yisi-latɛgɛ rɔ nyɔ bɛrɛkɛ! Mari nyɛrɛ ya a ragbɛ ko anu bi kumɛ min fɔla ala keninteyɛla ko la ko tonyɛ le bawo a ya tamaserenu anubɛ kabana-ko-kɛ-sɛnbɛ di anu ma.

Kɛwɔlɛnu 2:1

Ladɛn min tɔgɛ Pɛntikɔsi, wo kera tumɛ min, dɛnkɛninya-mɔgɛ bɛɛ ladɛnnɛ anu nyɔgɔn fɛ kan-tina-kelen.

Kɛwɔlɛnu 2:2

Tiriyante wo rɔ, kuman-kan bɔra san-kole rɔ iko fɔn-sɛnbɛmɛ. Minnu siginɛ bɔn wo mumɛ burɔ, anu damasi ya a lamɔɛn.

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 4:29

Nba, Mari, anu bi niyi-ragbɛrɛn-kumɛ minnu fɔla, i wɔlɔ matɔlɔ wonu na. I ni sɔn ko male, ila wɔli-kɛlɛnu ni ila kumɛ fɔ yisi-latɛgɛ bɛɛ rɔ.

Filipai 1:14

N bi yele la min kɛ, wo ara yisi-latɛgɛ di yan-dɛnkɛninya-mɔgɔ-siyaman ma. Woletɔ anu yisi ragbɛlɛyanɛ wati bɛɛ Allala kumɛ kawandili-bɔɛ ma. Anu kilanni ma tun.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.