Kɛwɔlɛnu 4:19 - ALLALA KUMƐ

¹⁹ Pita anubɛ Yɔni ya anu yabi ko, “Ka wota kumɛ bira wo, ka Allatɛ bira wo, nyamintan telennɛ Alla yala? Wo nyɛrɛ ni wo kiti tɛgɛ

Kɛwɔlɛnu 4:19 ပူးပေါင်းရင်းမြစ်များ

1 Mansɛnu 12:30

Wo ya a ma, mɔgɛnu ya hakɛ kɛ ka ta bɛsɛ wonu kɔ tinɛ Bɛtɛli soe anubɛ Dan soe burɔ.

1 Mansɛnu 13:19

Wo le ya a ma, Allata mɔgɛ wo bilara kɛmɔgɛ wo fɛ. Anu tara fen-dɔn-kɛ anu nyɔgɔn fɛ ka anu min a warɛ bɔn la.

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 21:11

Kun-tiginu anubɛ mɔgɔ-ba-sɛbɛnɛ minnu bi Yɛsɛreli soe wo burɔ, wonu ya a ma iko Yɛsɛbɛli ya kɛdi sɛbɛ anu ma nya min.

1 Mansɛnu 22:14

Kɔnɔ Nɛbi Mɛkaya ya a fɔ a ye ko, “A ye malebɛ Mari-nimɛ tɛma, a ye min fɔla n ye, n bi wo le latenbila mansɛ ma.”

2 Mansɛnu 16:15

A ya a fɔ Saraka-Masɔla Yuraya ye ko, “Sarakɛ minnu bi mintanna sɔgɔma wo, bu-gbɛngbɛnnɛ minnu bi mintanna wurɛ la wo, mabɛ nna mɔgɛnu bi nala saraka-mintantɛ anubɛ bu-gbɛngbɛnni-sarakɛ minnu na wo, anubɛ mɔgɛnu bi nala minni-sarakɛ minnu na wo, i ni to wonu bɔla nna saraka-mintan-tina-kurɛ kɛ kuma yan. I ni to saraka-mintantɛnu anubɛ sarakɛ doinu yele purupurula saraka-mintan-tina-kurɛ kɛ ma yan. Marita saraka-mintan-tina-kɔrɛ wo si ma nna bolo tafɛlɛn tinɛ la.”

2 Mansɛnu 16:16

Saraka-Masɔla Yuraya ya a ma iko Mansa Ehasi ya a fɔ a ye nya min.

Yaburi 58:1

Wole kun-tiginu, wo si ke kiti tɛgɛla a kilɛ fɛ lun-kelen-bɛrɛn? Wo si ke kiti tɛgɛla ni lafisayalɛ sa a rɔ, wa?

Bɔ-Koe-Iyipiti 1:17

Kɔnɔ tinkɔrɔ-sigilɛ wonu kilanta Alla la. Anu ma a ma iko Iyipiti mansɛ ya a fɔ anu ye nya min. Anu ya anuna den-keinu nakisi.

Yɛrɛmaya 26:12

Wo kɔma, n ya a fɔ wo ye ko, “N bara kumɛ min fɔ Bato-Bɔn anubɛ soe kɛla ko ma, Mari le ya n sɔ wonu fɔ-tinɛ.

Daniyɛli 3:18

Min tenbira wo la, hali a ma ma latanka wo ma, ma ye a rɔ le mansɛ ni a lɔn ko male ti ila bɛsɛ kɛ matɔgɔ ka ma madu ila bɛsi-toenu kɔrɔ.”

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Emɔsi 7:16

Ile ya a fɔ n ye ko n ni n fara wɔlɔyiya-kumɛnu fɔla Isirɛla mɔgɛnu ye.

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Matiyu 22:21

Anu ya a yabi ko, “Romu nyamanɛ kun-tigi-ba.” Nba, Yisa ya a fɔ anu ye ko, “Romu nyamani-kun-tigitɛ ye min na, wo ni wo di ale ma. Allatɛ ye min na, wo ni wo di Alla ma.”

Luka 22:8

Yisa ya Pita anubɛ Yɔni sɔ. A ya a sara anu na ko, “Wo ta Kanan-Ko-kimanɛ rabɛn ma ye.”

Yɔni 7:24

Wo kana mɔgɛ yiliki a yen-nya la. Kɔnɔ wo ni kiti tɛgɛ a kilɛ fɛ.”

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 5:28

“Ma ara wo makawandi nun bɛrɛkɛ, ko wo kana mɔgɛnu karan kei kɛ tɔgɛ rɔ tun. Kɔnɔ wo ara min kɛ, wo ma a yen? Wo ara wola karan kɛ nyɛnsɛn Yerusalɛm fan bɛɛ. Wo ye a fɛ ka male ma ala saya-sabuyɛ la!”

Kɛwɔlɛnu 5:29

Pita anubɛ Marita kilayɛnu ya a yabi ko, “A fɛrɛ sa fɔ ma ni Allala kumɛ bira ka mɔgɛnutɛ to nyɔ.

1 Kɔrɛnti 10:15

N bi kumala wole ye iko mɔgɔ si kuma hɛnkilimɛnu ye nya min. N bi min fɔ tinɛ, wole nyɛrɛ ni wo kɔrɔbɔ ni tonyɛ le, ka, ni tonya ma.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

Ɛfɛsa 6:1

Wole dannu, wo ni wo sɔrɔnnɛnuna kumɛ bira bawo Marita mɔgɛ le wonu na, ado wo le telenta.

1 Timoti 2:3

Madiyali-su kɛ bɛɛ kin. A ye Alla hɛnɛna, ma kisilɛ, kɔni,

Hiburunu 11:23

Musa sɔrɔnta tumɛ min, dɛnkɛninyɛ le fɛ, a sɔrɔnnɛnu ya a dogon karɛ sawa kɔrɔ. Anu ya a yen ko den-kinyɛ le, ado anu ma kilan ka mansɛla tɔn tinya.

Yemesi 2:4

i ya nfen ma wo la? Wo yilikinɛ lafisayalɛ bolo worɔ wo nyɔgɔn tɛma. Wola kiti-tɛgɛ-yogomɛ kɛ ma kin mumɛ!