Kɛwɔlɛnu 3:19 - ALLALA KUMƐ

¹⁹ Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Kɛwɔlɛnu 3:19 ပူးပေါင်းရင်းမြစ်များ

Yaburi 103:12

Iko tele-bɔɛ fɛ-yan tele-yigi la nya min, a ye ma hakɛ masɛgila ma la wo nya na le.

Yaburi 51:13

Woletɔ n si hakɛ-tiginu karan ita tɔnnu ma alako anu ni sɛgi i ma.

Yaburi 51:9

I kolan bɔ n hakɛ la. N sɔn-yogomɛ bɛɛ firan n na feu!

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 61:9

A ko wola dannu si ma mɔgɔ-malɔnnɛ la duninya bɛɛ rɔ. Wo mamanɛnu fanan ma si lɔn kan tinɛ bɛɛ rɔ. Mɔgɔ-wo-mɔgɔ ya anu yen, wo si a lɔn yati, ko Allata duwɛ ye anu fɛ.

Yɛrɛmaya 36:3

A ko tumado, a ara kasarɛ min tabɛn Yuda kɛnu kan ma, ni anu suira wo ma ka anu bɔ anu sɔn-yogomɛ da-kun tɔ, a si anu makoto anu sɔn-yogomɛ anubɛ anu hakɛ la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Nimisa Koe 3:40

Ma ni ma tagama-nya fɛsɛfɛsɛ a kila-bɛrɛbɛrɛ fɛ, wo kɔma, ma ni ma sɔ ma hakɛ la Mari ye.

Nimisa Koe 5:21

Ni i ma i ban ma la nun feufeu, ni i ma diminya ma ma ka a dan-natenbi, a ma, ma ni sɛgi i ma tun. E, Mari, i yandi, ma to gbiliyɛ rɔ iko ma ye nya min nun.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Matiyu 18:3

A ko, “Wo ni wo hɛnkili to kɛ ko! Ni wo ma wo nyɛrɛ kɛ-nya yɛlɛma ka ma iko dennɛnu, wo ti don Allata mansayɛ kɔrɔ min bi Arinyɛni na muk!

Luka 1:16

A si Isirɛla ka siyaman nana tun anuta Mari Alla ma.

Luka 22:57

Kɔnɔ Pita ya a masɔsɔ. A ko, “N ma a lɔn ni!”

Kɛwɔlɛnu 1:6

Yisata kilayɛnu nadɛnta a fɛ tumɛ min, anu ya a manyinika ko, “Mari, i si mansayɛ lasɛgi Isirɛla mɔgɛnu ma wati kɛ rɔ, wa?”

Kɛwɔlɛnu 11:18

Anu ya kɛ lamɔɛn tumɛ min, anu ya a makumɛ boloka ka Alla tanto. Anu ko, “Nba, Alla ara fɛrɛ di sibolo-gbɛrɛnu fanan ma ko anu ni tubi ka habadan-nimayɛ sɔrɔn!”

Kɛwɔlɛnu 11:21

Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

Kɛwɔlɛnu 15:3

Marita mɔgɛ minnu bi Antiyaki, wonu ya kɛnu nata Yerusalɛm. Wonu tenbira Finisiya anubɛ Samariya nyamanɛnu tɔ tumɛ min, sibolo-gbɛrɛnu yɛlɛmanta nya min Alla ye, anu ya dantɛgɛlɛ wo sa nyɔ-dɛnkɛninya-mɔgɛnu ye. Wo ya a ma, Mari Yisata mɔgɛ bɛɛ sewara bɛrɛkɛ!

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 28:27

Fan do sanɛ mɔgɛnu miriya-ya ma alako anu kana ko nya-yen. Anu tole gberenɛ alako anu kana na ko lamɔɛn. Fen sanɛ anu yɛ ma alako anu kana na ko ragbɛ. Ni anu ya fen yen ka ko lamɔɛn nun, tumado fɔ anu ba anu ya-lamunun n na anu nakɛndɛya-koe la.’ ”

Kɛwɔlɛnu 3:20

wo si ni-lafɛrɛ sɔrɔn Mari bolo. Alla ara ban ata Mɔgɔ-Yabɔnɛ min yabɔla wo ye, a si ale Yisa lana wo ye.

Kɛwɔlɛnu 3:21

Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

2 Timoti 2:25

A dinyanɛ ni a sɔsɔlɛnu natelen. Tumado, Alla si fɛrɛ di wonu ma ko anu ni tubi ka tonyɛ lɔn.

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

2 Pita 3:8

Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”