Kɛwɔlɛnu 3:13 - ALLALA KUMƐ

¹³ Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn.

Kɛwɔlɛnu 3:13 ပူးပေါင်းရင်းမြစ်များ

Bɔ-Koe-Iyipiti 3:13

Musa ya a fɔ Alla ye ko, “Kɔnɔ n ba ke Isirɛla mɔgɛnu ma tumɛ min ka a fɔ anu ye ko anu benbanuta Alla ara n kilaya anu ma, anu si i tɔgɛ manyinika nde la. Nba, nde si nfen fɔ wo rɔ?”

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 20:19

Anu si n don sibolo-gbɛrɛnu bolo. Wonu si n mayɛlɛn ka n gbesi ka n gbangban kɔlɔma ma n si faga kan min. A tele sawa nyɔgɔn, Alla si n nawuli ka bɔ furinu tɛma.”

Matiyu 22:32

Iburayimata Alla le ale la anubɛ Isiyakata Alla anubɛ Yakobata Alla. Wo kɔrɛ le ko mɔgɔ-nimɛnuta Alla le ale la, furinuta ma.”

Matiyu 27:2

Anu ya a kiri yɔlɔkɛ la ka ta a don Romu kun-tigi Pailɛti bolo.

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Maraka 15:11

Kɔnɔ saraka-masɔla-wɛnu ya nyama hɛnkili labila ko a ni Barabasi boloka anu ye.

Luka 22:57

Kɔnɔ Pita ya a masɔsɔ. A ko, “N ma a lɔn ni!”

Luka 23:4

Wo kɔma, Pailɛti ya a fɔ saraka-masɔla-wɛnu anubɛ nyama ye ko, “N ma kei kɛ yiliki-nya yen hali!”

Luka 6:37

“Wo kana mɔgɛnu kiti, woletɔ Alla ti wo fanan kiti. Wo kana mɔgɛnu yiliki, woletɔ Alla ti wo fanan yiliki. Wo ni mɔgɛnu makoto, woletɔ Alla si wo fanan makoto.

Yɔni 12:16

Kɔnɔ wo wati ya a taran, ala karan-dannu ma kɛ nya-yen. Yisa wulita furinu tɛma tumɛ min ka ata gbiliyɛ sɔrɔn, anu hɛnkili bilara ko kɛ bɛɛ sɛbɛnɛ Allata kitabu rɔ, ado anu bara a yen ko wo bɛɛ mara a ye.

Yɔni 18:40

Anu gbele-gbelenta ka a yabi ko, “Ade, i kana ale boloka! I ni Barabasi boloka!” (Nba, Barabasi, bui-ma-kɛlɛ le nun.)

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

Yɔni 19:12

Pailɛti ya kɛ lamɔɛn tumɛ min, Yisa boloka-sɔgɛ ya a bira kɔnɔ Yahudiyanu ya a lasɔnkɔ tun ko, “Ni i ya a boloka, Romu-nyamanita-mansa-wɛ diyana-mɔgɔ ma i la hali, ado ni min bi a nyɛrɛ mala mansɛ la, kun-tigi wo yoge le wo la, yɔ!”

Yɔni 19:15

Anu ya a lasɔnkɔ tun ko, “A faga! A gbangban ka a faga kɔlɔma ma!” Pailɛti ya anu manyinika ko, “Wo ye a fɛ, n ni wola mansɛ gbangban kɔlɔma ma, wa?” Saraka-masɔla-wɛnu ya a yabi ko, “Mansa-gbɛrɛ sa ma bolo fɔ min bi Romu nyamanɛ kun na!”

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

Kɛwɔlɛnu 22:14

Ananayasi ko, ‘Ma benbanuta Alla ara ile yabɔ ko i ni a lɔn i ye min mala a ye. A ara ile yabɔ alako i ni ala Wɔli-Kɛla-Telennɛ yen ka a kuman-kan fanan namɔɛn.

Kɛwɔlɛnu 24:14

N sɔnnɛ kɛ la i ye ko n bi ma benbanuna Alla batola kilɛ min fɛ, anu denu bi a fɔla wo le ma ko foninyɛ le. Kɔnɔ mabɛ ma benbanu bi Alla kelen de batola. Koe min bɛɛ sɛbɛnɛ Musata tɔn rɔ anubɛ nɛbinuna kitabunu tɔ, n lanɛ wonu fanan na.

Kɛwɔlɛnu 3:12

Pita ya mɔgɛ wonu nadɛnnɛ yen tumɛ min, a ya a fɔ anu ye ko, “N ta-nyɔgɛ Isirɛla kɛnu, wo ye kawala kɛ ma kama? Wo ye tola ma mafɛlɛnna nfenna? Wo ya a lɔn ko ma nyɛrɛta sɛnbɛ le ya a lakɛndɛya, wa? Ma nyɛrɛta sɛnbɛ anubɛ sɛninyɛ ma a ma, kei kɛ ye tagamana de!

Kɛwɔlɛnu 3:26

Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

Kɛwɔlɛnu 4:30

I ni i kɔɛn rasagan ka lakɛndɛyalɛ kɛ. I ni sɔn ko kabana-koenu anubɛ tamaserenu ni kɛ ila wɔli-kɛla-sɛnimɛ Yisa tɔgɛ rɔ.”

Kɛwɔlɛnu 7:32

‘I benbanuta Alla le nde la. Iburayima anubɛ Isiyaka anubɛ Yakobata Alla le nde la.’ Musa yɛrɛyɛrɛnta kilan bolo, ado a ma sisi a mafɛlɛnna tun.

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.