Kɛwɔlɛnu 28:8 - ALLALA KUMƐ

⁸ Mansa Pubiliyasi fa kirɛ sanɛ fɛrɛma-kaliyɛ anubɛ yele-kono-dumɛ bolo. Pɔli donta ala konko la ka a bole sa a kuma. A ya Alla matara a ye. A kɛndɛyara.

Kɛwɔlɛnu 28:8 ပူးပေါင်းရင်းမြစ်များ

Matiyu 10:1

Yisa ya ala karan-den mɔgɔ tan-ni-filɛ kele anu nyɔgɔn fɛ ka anu masara. A ya nyina-gben-sɛnbɛ di anu ma. A ya kiraya-sufa bɛɛ lakɛndɛya-sɛnbɛ fanan di anu ma.

Matiyu 10:8

Wo ni kirayatoenu nakɛndɛya ka furinu nawuli. Wo ni kunatoenu nakɛndɛya ka nyinɛnu fanan gben. N bara sɛnbɛ wo di wo ma. Wo ma a sɔnkɔ bɔ, wo don ka a sɔnkɔ makele.

Matiyu 12:13

Wo kɔma, a ya a fɔ kei wo ye ko, “I bole rasagan.” A ya a rasagan. Nba a kɛndɛyara iko a bole doi.

Matiyu 9:18

Nba, Yisa ye kɛ fɔla anu ye tumɛ min, Yahudiyanuna kun-tigi do nara a wara ka a nyɛnkin a kɔrɔ. A ko, “Nna dunmusi faga-san le. I yandi, na. I ni i kɔɛn sa a kuma alako a niyi ni sɛgi a rɔ tun.”

Maraka 16:18

Anu ba duguma-fan bira, wo ti anu madumɛ. Ni anu ya faga-fan min, a ti ko ma anu na. Anu ba anu bole sa kirayatoenu kuma, wonu si kɛndɛya.”

Maraka 5:23

ka a madiya a sɛbɛ-kuna-wɛ la! A ko, “Nna dunmusu fagamatoe le! I yandi, na. I ni i kɔɛn sa a kuma alako a si kɛndɛya nya min!”

Maraka 6:5

A ya a bole sa kirayato-dandenu kuma alako wonu na si kɛndɛya nya min. Kɔnɔ wo kɔma, a ma ke kabana-ko-gbɛrɛ kɛla nyɔ.

Maraka 7:32

Mɔgɛ donu nara kei-tolo-gberan la, kuma-koe gbɛlɛ min kuma kati! Anu ya Yisa madiya ko a ni a bole sa a kuma.

Luka 13:13

A ya a bole sa a kuma. Musi wo kɔɛ latelenta kelenna! A ya Alla tantoe dabira.

Luka 4:40

Tele yigi wati, kirayatoe ye mɔgɛ min bɛɛ bolo kiraya-su bɛɛ, anu nara wonu na Yisa wara. A ya a bole sa anu dama kuma ka anu nakɛndɛya.

Kɛwɔlɛnu 28:7

Nyɔ-mansɛ min tɔgɛ Pubiliyasi, a halala-dugi do ye a bolo nyɔ wara la. Ma ya tele sawa kɛ a warɛ nyɔ. A ya ma rabira a kin na!

Kɛwɔlɛnu 28:9

Wo mara tumɛ min, kirayatoe min bɛɛ ye yi-tɛma-dugi wo rɔ, anuna mɔgɛnu nara anu na anu dandan tinɛ.

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

1 Kɔrɛnti 12:9

Ata Ni-Sɛnima kelan wo si dɛnkɛninya-wɛ di mɔgɛ do ma ka mɔgɔ-lakɛndɛya-sɛnbɛ di mɔgɔ-gbɛrɛ fanan ma.