Kɛwɔlɛnu 28:3 - ALLALA KUMƐ

³ Pɔli ya sɔgɛ do ladɛn. A ye wo sala tɛ la tumɛ min, ta-wuyan ya fɔnfɔnɛ fafa. A bɔɛ, a ya Pɔli bole kin.

Kɛwɔlɛnu 28:3 ပူးပေါင်းရင်းမြစ်များ

Yobu 20:16

Karagbɛlɛ wo si min nayigi a burɔ, wo si ma a burɔ iko dawarɛ. Wo si a faga iko duguma-fan wa mɔgɔ kin.

Aiseya 30:6

Marita sarakanɛ le kɛ la sogenu bara-koe rɔ dugula wula-da-rakolɔn ma. A ko Yuda nyamani-yɛnu bi tagamana nyamanɛ min tɔ, masiba tinɛ le nyɔ la. Yarɛnu bi nyɔ. Duguma-fen-maralamɛnu bi nyɔ anubɛ ninkinanka-kanbannamɛnu. Nyamani-yɛnu bi fen-kolomɛ dunɛnu sala anuna sofɛlɛ anubɛ nyomɛnu kɔ tɛma ka ta anu kun madiya sibolo-gbɛrɛnu na anu dɛnbɛn-koe rɔ.

Aiseya 41:24

Fufafuyi le wobɛ wola wɔlɛ wonu na. Wo kɔlɛnu manyimani de!

Aiseya 59:5

Karagbɛlɛyɛ ye a latiila iko duguma-fen-maralamɛ ye a latiila nya min. Min ba karagbɛlɛya-kɛwɔlɛ kɛ dɔn, wo tigi si faga. Ni karagbɛlɛya-kɛwɔlɛ kɛ do latiira a nyɛrɛ ma, duguma-fen-maralamɛ si bɔ a rɔ. Mɔgɛnuna foninyɛ mani de iko yalan-yalanna san-yili.

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 23:33

Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama?

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Maraka 16:18

Anu ba duguma-fan bira, wo ti anu madumɛ. Ni anu ya faga-fan min, a ti ko ma anu na. Anu ba anu bole sa kirayatoenu kuma, wonu si kɛndɛya.”

Kɛwɔlɛnu 28:2

Bandɛ nara ka ma bɛɛ kimɛ, woletɔ nyɔ-dugurannu ya ma rabira a kin na ka tɛ ladɛn ma ye.

Kɛwɔlɛnu 28:4

Nyɔ-dugurannu ya fɔnfɔnɛ dunnɛ yen Pɔli bole la. Anu ya a fɔ anu nyɔgɔn ye ko, “Mɔgɔ-fagalɛ le kei kɛ la feu! Nba, hali a ara kisi kɔgɔ-yi ma kɔnɔ bɛsɛ min bi ko-latelennɛ kun na, wo ti sɔn a ni beli.”

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 6:9

Ma malɔnnɛ wole bolo kɔnɔ ma malɔnni ma donu bolo. Ma ye saya-masibɛ kɔrɔ kɔnɔ yaga, ma ye ma niyi la. Hali ma tɔrɔnɛ, ma fagani ma.