Kɛwɔlɛnu 28:18 - ALLALA KUMƐ

¹⁸ Wonu ya n fɛsɛfɛsɛ. Anu bi a fɛ nun ka n boloka bawo anu ya a yen ko n ma ko-wo-ko kɛ n si faga minna ko la.

Kɛwɔlɛnu 28:18 ပူးပေါင်းရင်းမြစ်များ

Kɛwɔlɛnu 22:30

Yahudiyanu ya Pɔli maburi minna ko la, kun-tigi-ba wo ye a fɛ ka wo lɔn, yɔ! Woletɔ wo banda kɛ, a ya yɔlɔkɛnu bɔ Pɔli ma. A ya a fɔ saraka-masɔla-wɛnu ye ko anubɛ anuna kun-tigi dama ni na ladɛn kɛ. Wo kɔma, a tara Pɔli la anu yakɔrɔ.

Kɛwɔlɛnu 23:29

Kɔnɔ n ya a yen ko a ma ko-wo-ko ma a si faga minna ko la, hali ka a ladon yele la minna ko la. Anu bi a maburila anuna dina tɔnla ko la dɔrɔn.

Kɛwɔlɛnu 24:10

Wo kɔma, sigisɔn-mansɛ ya a bole telen Pɔli la ko a ni kuma. Nba Pɔli ko, “N ya a lɔn ko i wara mala mɔgɛnuna kiti tɛgɛ san siyaman kɔrɔ. Woletɔ n sewanɛ ka n nyɛrɛ fɛka i yakɔrɔ.

Kɛwɔlɛnu 24:22

Mansa Filikisi ya Yisata kilɛ wo lɔn bɛrɛkɛ, woletɔ a ya kumɛ wo masɛgi kɔma fɔlɔn. A ya a fɔ anu ye ko, “Kɛlɛ-Den-Kun-Tigi-Ba Lisiyasi wa na tumɛ min, n si kumɛ wo latɛgɛ wo rɔ.”

Kɛwɔlɛnu 25:25

Kɔnɔ nde ma ko-wo-ko yen a si faga minna ko la, ado ale nyɛrɛ fanan ko fɔ a ni Romu nyamanɛ kun-tigi-ba yen. Woletɔ n ya a lata-koe latɛgɛ Romu.