Kɛwɔlɛnu 28:17 - ALLALA KUMƐ

¹⁷ Tele sawa kɔma, Pɔli ya Yahudiya mɔgɔ-banu kele ladɛn rɔ. Anu nadɛnta tumɛ min, a ya a fɔ anu ye ko, “N na-kelen-nyɔgɛnu! N ma ko-wo-ko kɛ mala mɔgɛnu kan ma. Ma ya namu minnu sɔrɔn ma benbanu bolo, n ma wo fenfen tinya. Hali wo, anu ya n sa yele la Yerusalɛm ka n don Romu kɛnu bolo.

Kɛwɔlɛnu 28:17 ပူးပေါင်းရင်းမြစ်များ

Ko-Dabirɛnu 40:15

Anu ya n kankan de ka bɔ n barɛ Hiburu nyamanɛ rɔ. Hali yan fanan, n ma ko-wo-ko ma mɔgɔ la. Anu bara n bira ka n nadon yele la pinpi-bɔn kɛ la.”

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 22:5

Saraka-masɔla-kun-tigi-wɛ anubɛ anuna mɔgɔ-ba dama si ke wo sereyɛ bɔla ko n bi tonyɛ le fɔ tinɛ wo la. Anu denu ya kɛdinu di n ma minnu sɛbɛnɛ ma na-kelen-nyɔgɔ Yahudiyanu ma Damasika soe burɔ alako n ni ta mɔgɛ wonu bira tinɛ nyɔ nun. N tara alako n si anu kiri yɔlɔkɛnu na nya min ka sɛgi anu na Yerusalɛm anu tɔrɔ tinɛ.

Kɛwɔlɛnu 23:33

Wonu tara Pɔli la ha Sɛsariya soe burɔ ka a don Sigisɔn-Mansa Filikisi bolo. Anu ya kɛdi fanan don a bolo.

Kɛwɔlɛnu 25:10

Pɔli ko, “N sɔnɛ Romu nyamanɛ kun-tigi-bala kiti tɛgɛ tinɛ le tɔ kɛ la, ado a bɛnta, anu ni na n kiti yan. N ma ko-yogomɛ kɛ Yahudiyanu kan ma iko ile nyɛrɛ ya a lɔn nya min.

Kɛwɔlɛnu 25:2

Saraka-masɔla-wɛnu anubɛ Yahudiyanuna kun-tiginu wulita Pɔli kan ma nyɔ. Anu ya Mansa Fɛsitasi madiya,

Kɛwɔlɛnu 25:8

Pɔli ya a nyɛrɛ fɛka ko, “Nde ma Yahudiyanuna tɔn tinya. N ma ko-wo-ko tinya Alla-Bato-Bɔn la. N ma ko-wo-ko tinya Romu nyamanɛ kun-tigi-ba wara la.”

Kɛwɔlɛnu 6:14

Ma ya a lamɔɛn a ye a fɔla ko Nasarɛti kɛ Yisa kɛ si Alla-Bato-Bɔn wayan, ado Nɛbi Musa ya namu minnu to ma bolo, ale Yisa ya wo bɛɛ yɛlɛma!”