Kɛwɔlɛnu 27:6 - ALLALA KUMƐ

⁶ Ma ke nyɔ, kɛlɛ-den-kun-tigi-ba wo ya kulɔn do taran nyɔ min bɔnɛ Alɛsandariya soe burɔ. Kulɔn ye tala Itali nyamanɛ rɔ min kɛ, a ya ma ladon wo rɔ.

Kɛwɔlɛnu 27:6 ပူးပေါင်းရင်းမြစ်များ

Kɛwɔlɛnu 18:2

A ya Yahudiya do taran nyɔ, a tɔgɛ Akuwila. A sɔrɔnta Ponta nyamanɛ rɔ. Anubɛ ala musi Purusila na-san le nun ka bɔ Itali nyamanɛ rɔ bawo Romu Nyamani-Kun-Tigi-Ba Kalodiyasi ara a fɔ nun ko Yahudiya bɛɛ ni bɔ Romu soe burɔ. Pɔli tara anu kɔndɔn tinɛ.

Kɛwɔlɛnu 18:24

Yahudiya do nara Ɛfɛsa soe burɔ min tɔgɛ Apɔlɔsi. A sɔrɔnta Alɛsandariya soe burɔ. A kusan kumala, ado a karannɛ Yahudiyanuna kitabu ma bɛrɛkɛ!

Kɛwɔlɛnu 27:1

Ma ta-tumɛ kera tumɛ min ka ta Itali nyamanɛ rɔ yi kuma, anu ya Pɔli anubɛ yelela-mɔgɛ doinu don Yuliya bolo, Romu nyamanɛ kun-tigi-bata kɛlɛ-den-kunyɛ do, kɔni. Kɛlɛ-den-kurɔn min bi Romu nyamanɛ kun-tigi-ba bolo, a ye wo kun-tigiyɛ la.

Kɛwɔlɛnu 28:11

Karɛ sawa kɔma, ma donta kulɔn do rɔ min tɔgɛ, “Bɛsɛ-Fɛrannu.” Kulɔn wo bɔnɛ Alɛsandariya soe Iyipiti nyamanɛ rɔ kɔnɔ a ara samɛ kɛ Malita yi-tɛma-dugi wo rɔ nun.

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.