Kɛwɔlɛnu 27:41 - ALLALA KUMƐ

⁴¹ Kulɔn yigira kɛnkɛn-kolomɛ rɔ. Kulun-yarɛ gbaranta, ado a la ti ke magala. Yi tora a kɔmɛ gbesila ha nyɔ tora tinyana.

Kɛwɔlɛnu 27:41 ပူးပေါင်းရင်းမြစ်များ

1 Mansɛnu 22:48

Isirɛla Mansa Ehasaya ara a fɔ Yuda Mansa Yɛhosafati ye nun ko ata keminɛnu ni kofu Mansa Yɛhosafatila keminɛnu ma kulɔn rɔ kɔnɔ ale mansɛ ya a ban. Mansa Yɛhosafati ya kulɔnnu nadan minnu bi tala nun sɛnɛ bi tinɛ Ɔfiri nyamanɛ rɔ. Kɔnɔ kulɔn kɛnu ma ta bawo anu tinyanta Iseyɔn-Kiba soe dafɛ.

2 Ko-Kɔrɔta-Karan 20:37

Kɔnɔ Dodafala den Ɛliyesa, Marasa kɛ, kɔni, wo ya wɔlɔyiya-kumɛ fɔ Mansa Yɛhosafati kan ma, a ko, “Bawo wobɛ Mansa Ehasaya ara diya nya min kɛ la ka kulɔnnu nadan, Mari si wonu tinya.” Wo kɔma, kulɔn wonu tinyanta. Anu ma yigi yi rɔ tun.

Isikiyɛli 27:26

Kulɔn wo wurelɛnu tara a la kɔgɔ-yi tɛma tumɛ min, tele-bɔ-fɔnyɔ ya a tinya yi tɛma den!

Isikiyɛli 27:34

Kɔnɔ kulɔn tora kɔgɔ-yi rɔ. A ara yigi kɔgɔ-yi-dumɛ-kole la saru! A bolo-fannu anubɛ ala wɔli-kɛlɛ bɛɛ, wo bɛɛ kunyɛ ara to-a-rɔ a fɛ kɔgɔ-yi rɔ.’

Kɛwɔlɛnu 27:17

Ma banta wo balanna tumɛ min, kulun-tawɔli-kɛlɛnu ya kulun-wɛ nyɛrɛ kiri yilinu na gben, alako a kana nyɛnsɛn. Anu kilanta ko anu kana yigi kɛnkɛn-kolomɛ rɔ gbele dafɛ Libiya nyamanɛ wara la. Woletɔ kurɛ min bi kulɔn latala, anu ya wo layigi ka kulɔn to fɔnyɔ bolo alako a ni ta a la.

Kɛwɔlɛnu 27:30

Kulun-tawɔli-kɛlɛnu ye a fɛ ka bɔ kulɔn rɔ alako anu dɔrɔn niyi la ni kisi. Nɛgɛ-gbilimɛ minnu bi kulɔn yarɔ, anu ya a ma iko anu bi wonu denu nayigila kɔnɔ anu ya kulun-dɔgɔmanɛ wo layigi yi kuma.

Kɛwɔlɛnu 27:40

Woletɔ anu ya nɛgɛ-gbilimɛnu tɛgɛ ka anu boloka yi rɔ. Fan min bi kulun-kunyɛ tintanna, wo kirinɛ yili minnu na, anu ya wonu fanan nafulen. Kurɛ min bi kulɔn latala, anu ya wo layɛlɛ kulɔn yarɔ alako fɔnyɔ si to tala kulɔn la nya min. Nba, ma ya ma kunyɛ telen gbele la.

Kɛwɔlɛnu 27:42

A sɔgɛ ya kɛlɛ-dannu bira ko anu ni yelela-mɔgɛ bɛɛ faga alako anu ti ba-matɛgɛ-kɛ ka ta gbele ma ka anu buri.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!