Kɛwɔlɛnu 27:33 - ALLALA KUMƐ

³³ Banda-ka-dɛ ma, Pɔli ya anu dama madiya ko anu ni fen dɔn. A ko, “A tele tan-ni-nani le kɛ la, wo ye makɔnɔni kɛla. Wo ma fenfen dɔn wo wati bɛɛ rɔ.

Kɛwɔlɛnu 27:33 ပူးပေါင်းရင်းမြစ်များ

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Matiyu 15:32

Yisa ya ala karan-dannu kele a wara ka a fɔ anu ye ko, “N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo. A ma di n ye ka anu nata, ni n ma anu de-nyini fɔlɔn. Anu tenbi tala anu barɛ, tumado anu si kirɔn-a-la kilɛ la.”

Kɛwɔlɛnu 27:21

A ya wati siyaman bɔ, mɔgɛnu ma fen dɔn. Woletɔ Pɔli sɔra anu tɛma, a ko, “N fanu, a fisa, wo ni wo tole masɔ n na nun ko ma kana bɔ Kariti nun. Ni ma ma bɔ nyɔ nun, ma ti tinyalɛ anubɛ bɔnɛ kɛ bɛɛ sɔrɔn nun.

Kɛwɔlɛnu 27:32

Woletɔ kulun-dɔgɔmanɛ kirinɛ yili minnu na, kɛlɛ-dannu ya wonu tɛgɛ alako a la ni bui yi rɔ ka ta a ye.

Kɛwɔlɛnu 27:34

Woletɔ n bi wo madiyala, wo yandi, wo ni fen dɔn. Wo makoe ye wo la wo niyila ko la. Ni wo ya fen dɔn, wo fenfen ti to-a-rɔ.”

Kɛwɔlɛnu 9:19

A ya fen-dɔn-kɛ tumɛ min, a ya sɛnbɛ sɔrɔn tun. Sɔli tora Yisata mɔgɛnu fɛ Damasika soe burɔ wati-ni kɔrɔ.