Kɛwɔlɛnu 27:29 - ALLALA KUMƐ

²⁹ Anu kilanta ko kulɔn kana gbesi fara-wɛnu na. Woletɔ nɛgɛ-gbilima-lasulennɛ minnu bi kulɔn kɔma, anu ya wonu nani nayigi. Anu duwara ko bandɛ ni ka.

Kɛwɔlɛnu 27:29 ပူးပေါင်းရင်းမြစ်များ

Yaburi 130:6

N bi gbaranna n tigi Mari makɔnɛ la, iko surɔ-bon-makandannɛ si gbaran banda-ka-dɛ la nya min.

Kɛwɔlɛnu 27:17

Ma banta wo balanna tumɛ min, kulun-tawɔli-kɛlɛnu ya kulun-wɛ nyɛrɛ kiri yilinu na gben, alako a kana nyɛnsɛn. Anu kilanta ko anu kana yigi kɛnkɛn-kolomɛ rɔ gbele dafɛ Libiya nyamanɛ wara la. Woletɔ kurɛ min bi kulɔn latala, anu ya wo layigi ka kulɔn to fɔnyɔ bolo alako a ni ta a la.

Kɛwɔlɛnu 27:26

Kɔnɔ kulɔn wa tinya, ma la si ke yi-tɛma-dugi do kuma.”

Kɛwɔlɛnu 27:28

Woletɔ anu ya nɛgɛ do kiri yili la ka a layigi yi rɔ ka yi-rayanyɛ suma. Anu ya a yen ko yi-rayan ha kɔgɔ-fa mogan. A ma mɛ fanan, anu ya yili wo layigi yi rɔ tun. Anu ya a yen ko yi-rayan ha kɔgɔ-fa tan-ni-loli.

Kɛwɔlɛnu 27:30

Kulun-tawɔli-kɛlɛnu ye a fɛ ka bɔ kulɔn rɔ alako anu dɔrɔn niyi la ni kisi. Nɛgɛ-gbilimɛ minnu bi kulɔn yarɔ, anu ya a ma iko anu bi wonu denu nayigila kɔnɔ anu ya kulun-dɔgɔmanɛ wo layigi yi kuma.

Tɔn-Fɔɛ-Fila-Nyɔgɛ 28:67

Wo ya fenfen yen, wo si a ma, wo yisi ni to tugula gbi-gbi! Banda wa ka, a sɔgɛ si wo bira iko wurɛ ni ke tiriya! Wurɛ wa ke, a sɔgɛ si wo bira iko banda ni ka tiriya!

Hiburunu 6:19

Yigi wo ye ma bolo min si ma niyi lakandan, Yisa, kɔni. Ale si ke tenbila Sɛnima-Sɛnima-Tinɛ yorolan kɔma min bi Alla-Bato-Bɔn tɛma Arinyɛni tɔ.