Kɛwɔlɛnu 27:27 - ALLALA KUMƐ

²⁷ Su tan-ni-nani nyɔgɛ, fɔnyɔ ye ma latala Mɛdetereniyan kɔgɔ-yi kuma. Suyi tɛma, kulun-tawɔli-kɛlɛnu ya anu miri ko ma ara gbɛrɛn gbele do ma.

Kɛwɔlɛnu 27:27 ပူးပေါင်းရင်းမြစ်များ

1 Mansɛnu 9:27

Mansa Hairam ya hɛnkilima-siyaman nana minnu kusan wɔlila kulɔn wonu tɔ alako wonu ni kofu Mansa Silamɛnita kulun-tawɔli-kɛlɛnu ma.

Yona 1:6

Kulun-kun-tigi ya a sanɛ taran. A ya a lakunden ka a fɔ a ye ko, “I ye kinɔgɔla kama kɛ la? I lasɔ, i ni ita bɛsɛ madiya fɔ a si ma dɛnbɛ. Tumado, a si kinikini ma ma. A si a ma, ma ti faga.”

Kɛwɔlɛnu 27:26

Kɔnɔ kulɔn wa tinya, ma la si ke yi-tɛma-dugi do kuma.”

Kɛwɔlɛnu 27:28

Woletɔ anu ya nɛgɛ do kiri yili la ka a layigi yi rɔ ka yi-rayanyɛ suma. Anu ya a yen ko yi-rayan ha kɔgɔ-fa mogan. A ma mɛ fanan, anu ya yili wo layigi yi rɔ tun. Anu ya a yen ko yi-rayan ha kɔgɔ-fa tan-ni-loli.

Kɛwɔlɛnu 27:30

Kulun-tawɔli-kɛlɛnu ye a fɛ ka bɔ kulɔn rɔ alako anu dɔrɔn niyi la ni kisi. Nɛgɛ-gbilimɛ minnu bi kulɔn yarɔ, anu ya a ma iko anu bi wonu denu nayigila kɔnɔ anu ya kulun-dɔgɔmanɛ wo layigi yi kuma.

Lankɛnimayɛ 18:17

A ara bɔnɔ ala nɔnfuli wo bɛɛ rɔ hawa kelen pe kɔrɔ!” Kulun-kun-tigi bɛɛ anubɛ kulun-tasigilɛ bɛɛ anubɛ kulun-tawɔli-kɛlɛnu anubɛ min bɛɛ ye anu beli-fan sɔrɔnna kɔgɔ-yi rɔ, wo bɛɛ ya a masɛgi ale soe wo la pon!