Kɛwɔlɛnu 27:23 - ALLALA KUMƐ

²³ N bi Alla min bolo, n bi wo le batola. Wola melika nara n bara su-tenbinɛ.

Kɛwɔlɛnu 27:23 ပူးပေါင်းရင်းမြစ်များ

Yaburi 116:16

E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Yaburi 135:4

Ale le ya Yakoba yabɔ a nyɛrɛ ye. A halalɛ le Isirɛla mɔgɛnu na.

Yaburi 143:12

N yogenu faga n ye ka a tɛgɛ ila keninteya-wɛla ko ma. N niyi-ragbɛrɛnnɛnu kasara n ye bawo ila wɔli-kɛlɛ le nde la.

Bɔ-Koe-Iyipiti 19:5

Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la.

Keninteya-Siginu 2:16

Ntɛ le ile, nna keminɛ la. Atɛ le nde fanan na. I ye nna baga-ferenu-diyɛ bɔla.

Keninteya-Siginu 6:3

Atɛ le nde la. Nde fanantɛ le ale la. A ye ala baga-ferenu diya bɔla.

Aiseya 44:21

Mari ko male Isirɛla mɔgɛnu, ma yili ni to kɛ ko. A ko ala wɔli-kɛlɛ le male la. A ya ma dan de ka ma ma ata wɔli-kɛlɛnu na, ado a ti nyina ma ko muk!

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Isikiyɛli 36:38

Bi ma, soe minnu tinyata, wonu na si fa mɔgɛnu na iko Yerusalɛm na si fa saraka-sagɛnu na nya min ladɛn-wati rɔ. Wo kɔma, anu ni to a lɔnna wo le ma ko nde le Mari la.”

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 3:26

Ale mansɛ wo nyɛrɛ-nyɛrɛ tara sulubondɔn wo don-dɛ la. A ya a kuli mayɛlɛ ka kemini-mɔgɔ sawɛ wonu takele. A ko, “Sadiraki! Mɛsaki! Abɛdinigɔ! Alla Min Bi Fan Bɛɛ Kun Na, wole, a batolɛnu, wo bɔ tɛ rɔ. Wo ni na yan.” Mɔgɔ sawɛ wonu bɔra tɛ rɔ.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Daniyɛli 6:22

Nta Alla ara ata melika lana ka yarɛ kɛnu dɛ makiri alako anu kana ko ma n na. A ya kɛ ma le bawo n ma ko tinya, ado n ma ko-yogoma ma i la.”

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Malakayi 3:17

Mari Sɛnbɛ-Bɛɛ-Tigi ko anu si ma ata mɔgɛ la. Mari ko a wa a halala-mɔgɛnu kundɛn lunyɛ min, anu si ma atɛ la. Iko fa si kinikini ala dan ma nya min min bi wɔli kɛla a ye, Alla fanan si kinikini ata mɔgɛ wonu ma wo nya na le.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

Kɛwɔlɛnu 18:9

Suyi do rɔ, Pɔli ya ko-rayirɛ do yen. Mari ya a fɔ a ye wo rɔ ko, “I kana kilan. Mɔgɔ-wo-mɔgɔ ti ke i madumala bawo n bi i fɛ. I ni to kawandili bɔla. I kana bandan bawo ntɛ le mɔgɔ siyaman na soe kɛ burɔ.”

Kɛwɔlɛnu 23:11

Suyi wo rɔ, Mari sɔra Pɔli dafɛ, a ko, “I ni i kerinteya! I wara sereyɛ bɔ n ye Yerusalɛm yan nya min, a fɛrɛ sa fɔ i ni wo nyɔgɔn ma n ye Romu fanan.”

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

Kɛwɔlɛnu 8:26

Mari kumara Filipi ye melikala muninyɛ rɔ ko, “I ni i rabɛn ka ta dugula. Kilɛ min bi bɔla Yerusalɛm ka ta Kesa soe burɔ, i ni kilɛ wo bira.” (Ado nfan, mɔgɛnu sa bɔla kilɛ wo fɛ kaka.)

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.

2 Timoti 2:24

Marita wɔli-kɛlɛ kana kɛlɛ kɛ fɔ ka ko-nyimɛ kɛ bɛɛ ye. A ni ma karan-mɔgɔ-nyimɛ la min si a munyu mɔgɛnu kɔrɔ.

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

Taita 1:1

Nde, Pɔli ya kɛdi kɛ sɛbɛ. N mara Allala wɔli-kɛlɛ anubɛ Yisa Kirasitila kilayɛ la. Anu ya n yabɔ ka n nata ko n ni ata mɔgɛnu dɛnbɛ dɛnkɛninyɛ rɔ alako anu ni tonyɛ lɔn mala dina-koe rɔ.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”