Kɛwɔlɛnu 26:22 - ALLALA KUMƐ

²² Kɔnɔ ha bi, Alla ye n dɛnbɛna. Woletɔ n sɔnɛ yan ka sereyɛ bɔ mɔgɛ bɛɛ ye, a nɔnfulu-tigi wo, a bolo-kolon wo, a filɛ bɛɛ. Nɛbi Musa anubɛ nɛbi doinu ya wɔlɔyiya-kumɛ minnu fɔ, n bi wonu denu fɔla anu ye.

Kɛwɔlɛnu 26:22 ပူးပေါင်းရင်းမြစ်များ

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Yaburi 124:8

Mari min ya san-kole anubɛ dugu-kole dan, wo le ye ma dɛnbɛna.

Yaburi 18:47

Ale le ye a mala, n bi n yogenu nɔla ka sibolo-gbɛrɛnu don nna sɛnbɛ kɔrɔ.

Yaburi 66:12

I ya a ma, ma yogenu ya ma ratɛntɛn anu kian la. Ma tɔrɔta nun iko mɔgɛ min bi tɔrɔya-dagɛ rɔ. Kɔnɔ kaka gbɛ, i wara na ma la ma lafɛrɛ tinɛ.

Matiyu 26:24

ado nde, Hadama-dan si faga iko a sɛbɛnɛ Allata kitabu rɔ nya min kɔnɔ gbalo-belebele ye mɔgɛ wo kuma, min si nde, Hadama-dan don n yogenu bolo tɔ! A fisa nun, hali mɔgɛ wo ma sɔrɔn nun!”

Luka 16:28

N na-kelen-nyɔgɛ mɔgɔ loli ye nyɔ. A ni ta ka anu makawandi alako anu kana na tɔrɔya-su kɛ rɔ yan.’

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Luka 24:46

A ya a fɔ anu ye ko, “Kɛ le sɛbɛnɛ ko fɔ nde, Allata-Mɔgɔ-Yabɔnɛ ni tɔrɔ, a tele sawa nyɔgɛ ma, n ni wuli ka bɔ sayɛ rɔ.

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Yɔni 5:46

Ni wo ara la Nɛbi Musa la nun bɛrɛkɛ, wo si la nde fanan na nun bawo ale le ya n wara-koe sɛbɛ.

Kɛwɔlɛnu 10:43

Nɛbi bɛɛ ya ala koe fɔ ko mɔgɔ-wo-mɔgɔ wa dɛnkɛninya a ma, Alla si wo makoto a hakɛ ma ale tɔgɛ sɛnbɛ baraka rɔ.”

Kɛwɔlɛnu 24:14

N sɔnnɛ kɛ la i ye ko n bi ma benbanuna Alla batola kilɛ min fɛ, anu denu bi a fɔla wo le ma ko foninyɛ le. Kɔnɔ mabɛ ma benbanu bi Alla kelen de batola. Koe min bɛɛ sɛbɛnɛ Musata tɔn rɔ anubɛ nɛbinuna kitabunu tɔ, n lanɛ wonu fanan na.

Kɛwɔlɛnu 26:17

A ko, ‘N bi i latala Isirɛla mɔgɛ anubɛ sibolo-gbɛrɛ minnu ma, n si i kisi wonu masibɛ ma.

Kɛwɔlɛnu 26:6

Nba, Alla ya lanyiri min kiri ma benbanu ye, anu bi n kitila wola ko la gbɛ!

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Romu 3:21

Kɔnɔ kaka, Alla si mɔgɔ latelen a nyɛrɛ ye nya min, wo ti ma tɔn-birɛ fɛ mumɛ! Mɔgɛ si telen Alla ye nya min, Nɛbi Musala tɔn-kitabu anubɛ nɛbinuta kitabunu ya wo ragbɛ ma ye.

1 Kɔrɛnti 15:3

N bara sarakanɛ min sɔrɔn, n bara wo latenbi wo ma, ado ko-belebele-wa le kɛ la ko Kirasiti fagara ma hakɛnuna ko la iko a sɛbɛnɛ Allala kitabu rɔ nya min.

1 Kɔrɛnti 15:4

Anu ya a togon. A lawulita a tele sawa nyɔgɛ ma iko a sɛbɛnɛ Allala kitabu rɔ nya min.

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

1 Samuwɛli 7:12

Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”