Kɛwɔlɛnu 26:18 - ALLALA KUMƐ

¹⁸ I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Kɛwɔlɛnu 26:18 ပူးပေါင်းရင်းမြစ်များ

Yaburi 119:18

N yɛ maka woletɔ n si tonya-kuma-wɛ yen ita sereyanu tɔ.

Yaburi 146:8

A si fiyɔnnu yɛ laka. A si mɔgɔ-buinɛnu nasɔ. Telenbagɛnu di Mari ye.

Aiseya 29:18

Wo tele wa ke tumɛ min, tolo-gberenu tole la si ka ka kɛdi wo karan-kan lamɔɛn. Fiyɔn min bara mɛ a bolo mɛmɛla pinpi rɔ, wonu yɛ la si ka ka fen yen.

Aiseya 32:3

Mɔgɛnu bi nyinina min ma, anuna kun-tigi wonu yɛ bɛnnɛ si to wonu ma. Anu tole rabalannɛ a lamɔɛn-koe la fanan.

Aiseya 35:5

Fiyɔnnu si fen yen. Tolo-gberenu si ko lamɔɛn.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 42:7

A ko a si fiyɔnnu yɛ laka. A si yelela-mɔgɛnu kun nayere ka anu bɔ pinpi wo rɔ.

Aiseya 43:8

Alla ko ata mɔgɛ bɛɛ ni kundɛn kan-tina-kelen. Anu yɛ makanɛ kɔnɔ anu ti fen yen. Tole ye anu bolo kɔnɔ anu ti ko lamɔɛn.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 9:2

Mɔgɛ minnu bi tagamana pinpi-fin-bɛ rɔ nun, wonu bara wan-takana-wɛ yen. Anu siginɛ pinpi-makilanni-bɛ rɔ nun kɔnɔ kaka, tele ara fɛrɛn anu ma.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Matiyu 4:16

Minnu siginɛ pinpi-fin-bɛ rɔ, wonu si na wan-belebele yen. Minnu siginɛ pinpi-makilanni-bɛ rɔ, tele ara fɛrɛn anu ma!”

Luka 1:77

I si hɛnkili di ala mɔgɛnu ma anu si kisi-koe sɔrɔn nya min hakɛ-makoto-koe fɛ

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Luka 24:45

A ya anu hɛnkili ya-maka alako anu ni Allata kitabu nya-yen.

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yɔni 17:17

Anu dantɛgɛnɛ i ma ka a tɛgɛ ila kumɛ ma min bi tonyɛ la.

Yɔni 3:19

Kiti ye kɛla ka le ko waan nara duninya rɔ kɔnɔ pinpi di mɔgɛnu ye waan ko bawo anu bi ko-yogomɛnu kɛla.

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Yɔni 9:39

Yisa ko, “N nara duninya kɛ rɔ ka dan-nafarɛ yira mɔgɛnu tɛma. Fiyɔn yɛ la si ka, ado minnu mirinɛ ko anu yɛ lakanɛ, wonu si fiyonya.”

Yɔni 9:5

N tenbi duninya kɛ rɔ, duninya-waan le nde la.”

Kɛwɔlɛnu 10:43

Nɛbi bɛɛ ya ala koe fɔ ko mɔgɔ-wo-mɔgɔ wa dɛnkɛninya a ma, Alla si wo makoto a hakɛ ma ale tɔgɛ sɛnbɛ baraka rɔ.”

Kɛwɔlɛnu 13:47

ado Mari ya min fɔ ma ye, wo le kɛ la. A ko, ‘N bara wo yabɔ alako wo ni ma waan la sibolo-gbɛrɛnu ye, ado duninya-mɔgɛ bɛɛ si nta kisi-koe lamɔɛn wole sebu la.’ ”

Kɛwɔlɛnu 15:9

A ma dan-nafarɛ don mabɛ anu tɛma hali! Anu dɛnkɛninyara min kɛ, woletɔ a ya anu makoto anu hakɛ ma.

Kɛwɔlɛnu 2:38

Pita ya a fɔ anu ye ko, “Wo kelen-kelennamɛ-bɛɛ ni yɛlɛma ka wo kan-kɔ sɔ wola hakɛnu na. Wo kɔma, wo ni batasi ale Yisa, Allata-Mɔgɔ-Yabɔnɛ tɔgɛ rɔ, woletɔ Alla si wo makoto wola hakɛnu ma. Alla si ata Ni-Sɛnimɛ di wo ma.

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kɛwɔlɛnu 20:32

“Nba kaka, n bara wo dantɛgɛ Alla ma. Wo yili ni to ala hina-kumɛ ko min si ke wo sɛnbɛ donna ka ata duwɛ di wo ma, ado a ara duwɛ wo lamara ala mɔgɛ bɛɛ ye.

Kɛwɔlɛnu 26:19

“Woletɔ Mansa Agaripa, ko-rayirɛ min bɔra san-kole rɔ, n ma wo masɔsɔ.

Kɛwɔlɛnu 26:23

Anu ko a fɛrɛ sa, fɔ ale Allata-Mɔgɔ-Yabɔnɛ ni tɔrɔ. Wo kɔma, a ni ma a mɔgɔ fɔlɔtɛ la min si wuli ka bɔ furinu tɛma. Anu ko a ni na waan la Yahudiyanu anubɛ sibolo-gbɛrɛnu ye.”

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Romu 8:17

Alla ara duwɛ min mara ala dan, Yisa ye, mabɛ Kirasiti si wo sɔrɔn ma nyɔgɔn fɛ bawo ala dan le male fanan na, ado ni ma tɔrɔta Yisa fɛ, ma bɛɛ si gbiliyɛ sɔrɔn ma nyɔgɔn fɛ.

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Kɔrɛnti 6:14

Wobɛ dɛnkɛninyabɛlɛnu kana ko-lakiri wo nyɔgɔn tɛma. Telenbagɛ anubɛ telenbɛlɛ si diya kama? Waan anubɛ pinpi si to anu nyɔgɔn fɛ kama?

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Kalesiya 3:2

N bi min lɔn-koe rɔ wo bolo, wo le kɛ la—wo ya Allala Ni-Sɛnimɛ sɔrɔn tɔn-birɛ le fɛ, wa? Ade! Wo ya kibara-nyimɛ lamɔɛn min kɛ ka la a la, wo ya ata Ni-Sɛnimɛ sɔrɔn wo le fɛ.

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Ɛfɛsa 1:14

Alla ara wo yili-madiya koe min na, wo dabirɛ le ale ata Ni-Sɛnimɛ la ma ye. Ma lanɛ a la feu, ko Allatɛ ye minnu na, a si hɔrɔya-kanbalinɛ di wonu fanan ma. Ma ni a tanto wona ata gbiliyɛla ko la!

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Ɛfɛsa 5:8

Wole nyɛrɛ ye pinpi le tɔ fɔlɔ-nun kɔnɔ kebi wo mara Maritɛ la, wo ye wan-takanɛ le tɔ gbɛ! Wo ni tagama iko mɔgɛ minnu bi wan-takanɛ wo rɔ.

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

2 Timoti 2:26

Wo kɔma, anu si hɛnkili sɔrɔn alako anu ni bɔ Setanɛta gbɛrɛ la nya min. Bawo Setanɛ ara anu bira ko anu ni ale sako kɛ.

Hiburunu 10:10

Yisa Kirasiti ya a fa Alla sako kɛ min kɛ, ma dama sɛninyara ka bɔ hakɛ rɔ wo le fɛ. A ya a nyɛrɛ fɛrɛ-bɔnkɛ ni sarakayɛ la iko kelen pe ka dan wo ma.

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 1:4

Wo le ya a to, ma yɛ ye kilɛ la duwa-belebele wo sɔrɔn-koe la. Alla ara wo lamara wole, ala mɔgɛnu ye. Wo bɛɛ maranɛ wole ye Arinyɛni tɔ. A ti tuli nyɔ, a ti tinya, a ti bɔ a su la.

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.

1 Yɔni 2:12

N diyana-dannu, n bi do sɛbɛla wo ma bawo wo hakɛ ma ara koto Kirasiti tɔgɛla ko la.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.