Kɛwɔlɛnu 26:17 - ALLALA KUMƐ

¹⁷ A ko, ‘N bi i latala Isirɛla mɔgɛ anubɛ sibolo-gbɛrɛ minnu ma, n si i kisi wonu masibɛ ma.

Kɛwɔlɛnu 26:17 ပူးပေါင်းရင်းမြစ်များ

1 Ko-Kɔrɔta-Karan 16:35

Wo di Mari dala. Wo ni a fɔ ko, “Alla, ma lakisi. I ni ma kundɛn kan-tina-kelen. I ni ma tanka sibolo-gbɛrɛnuna masibɛ ma. Wo si a ma, ma ni baraka bira i ye ka i tɔgɔ-sɛnimɛ gbiliya.”

Yaburi 34:19

Mɔgɔ-nyimɛ si tɔrɔya-siyamɛ sɔrɔn kɔnɔ hali wo, Mari si a kisi tɔrɔyɛ wo bɛɛsi ma.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 1:8

A ko n kana kilan mɔgɔ-wo-mɔgɔ la bawo a ye n fɛ. A si n nakanan. Ale Mari kan le.

Isikiyɛli 3:5

N sa i latala sibolo-gbɛrɛnu ma i ti minnu kan lamɔɛn fɔ ita mɔgɛnu, Isirɛla mɔgɛnu, kɔni.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 16:39

Woletɔ anu tara Pɔli anubɛ Sailasi madiya tinɛ. Wo kɔma, anu ya anu nabɔ yele la ka anu madiya ko anu ni bɔ soe wo burɔ.

Kɛwɔlɛnu 17:10

Suyi kera nya min wo, Marita mɔgɛnu ya Pɔli anubɛ Sailasi lata Bɛriya soe burɔ. Anu kera Bɛriya tumɛ min, anu tara Yahudiya-dina-bɔn la.

Kɛwɔlɛnu 17:14

Tiriyante wo rɔ, Marita mɔgɛnu ya Pɔli lata kɔgɔ-yi dafɛ kɔnɔ Sailasi anubɛ Timoti tora Bɛriya.

Kɛwɔlɛnu 25:3

ni a si sɔn ka Pɔli lana Yerusalɛm soe burɔ bawo anu bara yanfɛ don a ma alako ka a faga kilɛ la.

Kɛwɔlɛnu 28:28

Pɔli ko tun, “Wo ni a lɔn serr, ko Allala kisi-ko-kumɛ ara ta ke sibolo-gbɛrɛnu ma, ado wonu denu si anu tole masɔ!” [

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Romu 11:13

N bi kumala wole sibolo-gbɛrɛnu ye kaka. Fananta n bi wole sibolo-gbɛrɛnuta kilayayɛ la, n si nna sɔ tinɛ lawɔli n sɛbɛ-kuna-wɛ la.

Kalesiya 2:9

Yemesi anubɛ Pita anubɛ Yɔni, mɔgɛnu ya minnu lɔn anuna mɔgɔ-banu na, kɔni, mɔgɛ wonu ya a yen ko Alla le ya wɔlɛ kɛ di n ma ata hinɛ fɛ. Anu ya anu bole sa mabɛ Banabasi bole tɔ alako ka a yira ko ma bɛɛ ara ma kelen na. Ma dama sɔnta ko male ni mata wɔlɛ kɛ sibolo-gbɛrɛnu tɛma, anu denu ni anuta wɔlɛ kɛ Yahudiyanu tɛma.

1 Timoti 2:7

Wo le ya a to, Alla ya n ma kilayɛ anubɛ karan-mɔgɔ la. A ko n ni sibolo-gbɛrɛnu karan dɛnkɛninyɛ anubɛ tonya-koe ma. N sa foninya fɔla wo ye. N bi tonyɛ le fɔla serr!

2 Timoti 1:11

Alla ara n yabɔ ka n ma kilayɛ anubɛ karan-mɔgɔ la kibara-nyimɛ lake-koe la.

2 Timoti 3:11

Mɔgɛnu bara n kɔn nya min ka n tɔrɔ, i wara wo lamɔɛn nun. Koe min bɛɛ kɛra n na Antiyaki anubɛ Aikoniyam anubɛ Lisitira soenu tɔ, i ya wo fanan lɔn. N bara n munyu gbɛlɛya-wɛ wonu kɔrɔ kati! Kɔnɔ Mari ya n kandan wo bɛɛ rɔ,