Kɛwɔlɛnu 25:23 - ALLALA KUMƐ

²³ Wo banda kɛ, Mansa Agaripa anubɛ Bɛnasi donta barɛ kɔrɔ gbiliya-ba rɔ kɛlɛ-den-kun-tiginu anubɛ soe mɔgɔ-banu yakɔrɔ. Mansa Fɛsitasi ko anu ni na Pɔli la.

Kɛwɔlɛnu 25:23 ပူးပေါင်းရင်းမြစ်များ

Ɛsita 1:4

Karɛ wɔrɔ dɛgɛdɛgɛ, a ye anu de-nyinina ka ala fen-tigiyɛ anubɛ ala fanka mayira.

Makawandili Kumɛnu 1:2

Nde, karan-mɔgɔ ko duninya kɛ ragbɛlɛ. A ragbɛlɛ dɔgɔma-ma-de, ado a nya ti yen mumɛ!

Aiseya 14:11

Fɔlɔ nun, anu bi ale Babilɔn mansɛ gbiliyala bɔlon-kan la kɔnɔ a ye lakira le gbɛ! A sa-fan manɛ tunbinu denu na. Ala burun-kurɛ ye tɔnɔkɛnu denu na.

Aiseya 5:14

Anu sɔgɛ ye lakira la kaka! A ye a dɛ sala-a-ma fagba, alako a ni anu nakunu. A ye Yerusalɛm mɔgɔ-banu makununa anubɛ a mɔgɛ toe sɔnkɔtoenu.

Isikiyɛli 30:18

N ba Iyipiti fanka keri, pinpi si burun Tapenisi soe kun na bɛff! Anu wasinɛ anuna fanka minnu tɔ, n si tɔn sigi wonu na. Banda-finyɛ si Iyipiti mumɛ yamatogon bɛff! So-burɔ-mɔgɛ bɛɛ si to biralɛ rɔ.

Isikiyɛli 32:12

N si a ma, sibolo-karagbɛlɛnu ni na ata mɔgɛnu dama faga tɛrr! Ala mɔgɔ wo, anubɛ a wasinɛ min bɛɛ rɔ wo, anu dama si halaki pɔ!

Isikiyɛli 33:28

N si nyamanɛ wo tii mɛmɛ! Anu wasinɛ anuna fanka min tɔ, wo bɛɛ si ban feu! Isirɛla kɔnkɛnu ma si kilan ha mɔgɛ ti sisi tala anu tɔ.

Isikiyɛli 7:24

Sibole minnu wunduyogo hoo, n si wonu natugu wo ma ka wola bɔnnu bi wo bolo. Sibolo-gbɛrɛnu ba wola bato-tinɛnu natinya, n si a ma, wola kolo-gbɛlɛnu yigi si tɛgɛ gbede!

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Maraka 6:21

Tɔ-a-la, Hɛrodiyasi ya fɛrɛ sɔrɔn Yɔni ma. Mansɛ sɔrɔn-tele kera tumɛ min, a ya ladiyɛ kɛ ala kun-tiginu ye nun anubɛ ala kɛlɛ-den-kunyɛnu anubɛ Kalili nyamanita-mɔgɔ-banu.

Kɛwɔlɛnu 12:21

Wati wo kera tumɛ min, Hɛrodi ya ala mansaya-duruki don a kan na ka sigi ala mansaya-waganɛ rɔ. A kumara mɔgɛnu ye.

Kɛwɔlɛnu 25:13

Tele-dande kɔma, Mansa Agaripa anubɛ a dɔgɔ-musi Bɛnasi tara Mansa Fɛsitasi kɔndɔn tinɛ Sɛsariya soe burɔ.

Kɛwɔlɛnu 26:30

Wo kɔma, Mansa Agaripa wo, Sigisɔn-Mansa Fɛsitasi wo, Bɛnasi wo, anubɛ mɔgɛ toe bɛɛ ya anu nasɔ.

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

1 Kɔrɛnti 7:31

Minnu bi duninya-fannu nawɔlila, wonu ni to iko anuna ko sa wonu tɔ. Wo fenfen kana ila wɔlɛ tinya Alla bolo, ado duninya kɛ ye nya min bi, a tenbimatoe le.

Yemesi 1:11

Tele wa yɛlɛ, a wuyan si kɔn-fere wo lafɔsɔ. A fere si yalan. Ala kinyɛ si tinya pɔ! Nɔnfulu-tiginu fanan wara-koe si ka-a-la wo nya na le anu tenbi anuna ko ladannu na.

1 Pita 1:24

Iko a sɛbɛnɛ Allala kitabu rɔ nya min ko, “Mɔgɛ bɛɛ mani de iko yerimɛ. Anuna gbiliyɛ bɛɛ mani de iko yerima-fere. Yerimɛ si gbala, a fere si yalan.

1 Yɔni 2:16

Fɛrɛ-bɔnku-nata wo, mɔgɛnu yɛ si bɔ min na wo, min sɔgɛ si mɔgɛ bira wo, anubɛ fenfen min bi duninya kɛ rɔ, kɛ fenfen ma bɔ ma Fa Alla bolo. Mɔgɛnu wasinɛ wonuna ko la. Duninyatɛ le kɛ bɛɛ la.