Kɛwɔlɛnu 25:2 - ALLALA KUMƐ

² Saraka-masɔla-wɛnu anubɛ Yahudiyanuna kun-tiginu wulita Pɔli kan ma nyɔ. Anu ya Mansa Fɛsitasi madiya,

Kɛwɔlɛnu 25:2 ပူးပေါင်းရင်းမြစ်များ

Yobu 31:31

Nna wɔli-kɛlɛ damasi ya a lɔn ko n si sundannu sɛnibɔ ka anu yiya.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Kɛwɔlɛnu 24:1

Tele loli tenbinɛ, Saraka-Masɔla-Kun-Tigi-Wɛ Ananayasi anubɛ ala kun-tigi donu anubɛ anuna kuma-fɔlɛ Tatulasi, wonu nara Sɛsariya soe burɔ. Anu sɔra sigisɔn-mansɛ yakɔrɔ ka anu burɔ-koe fɔ Pɔli kan ma.

Kɛwɔlɛnu 25:15

Nba, n tara Yerusalɛm tumɛ min, Yahudiya saraka-masɔla-wɛnu anubɛ ala kun-tiginu wulita ale kan ma. Anu ya n madiya ko n ni a yiliki anu ye.

Kɛwɔlɛnu 25:24

Mansa Fɛsitasi ko, “Mansa Agaripa anubɛ mɔgɛ bɛɛ minnu bi ma fɛ yan, wo ni kei kɛ mafɛlɛn, ba. Yahudiya minnu bi Yerusalɛm, anubɛ minnu bi yan, bɛɛ wulinɛ kɛ le kan ma. Anu dama nara ka anu masigima-koe fɔ n ye. Anu bi gbele-gbelenna ko anu ni Pɔli faga.

Kɛwɔlɛnu 28:17

Tele sawa kɔma, Pɔli ya Yahudiya mɔgɔ-banu kele ladɛn rɔ. Anu nadɛnta tumɛ min, a ya a fɔ anu ye ko, “N na-kelen-nyɔgɛnu! N ma ko-wo-ko kɛ mala mɔgɛnu kan ma. Ma ya namu minnu sɔrɔn ma benbanu bolo, n ma wo fenfen tinya. Hali wo, anu ya n sa yele la Yerusalɛm ka n don Romu kɛnu bolo.

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!