Kɛwɔlɛnu 24:27 - ALLALA KUMƐ

²⁷ San fila kɔma, Porisiyasi Fɛsitasi sigira sigisɔn-mansayɛ la Mansa Filikisi gbɛ rɔ. Kɔnɔ Mansa Filikisi ye a fɛ nun ka Yahudiyanu diyana-koe kɛ, woletɔ a ya Pɔli to yele la.

Kɛwɔlɛnu 24:27 ပူးပေါင်းရင်းမြစ်များ

Bɔ-Koe-Iyipiti 23:2

“Wo kana bila sɛrɛ fɛ ko-yogoma-kɛ-tinɛ. Mɔgɛ kana a radu sereya bɔ tinɛ ka sɔ nyama fɛ kumɛ rɔ.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yɛrɛmaya 38:13

anu ya n nayɛlɛ. Wo kɔma, anu ya n namara yele la kata burɔ tun.

Maraka 15:15

Pailɛti ye a fɛ ka nyama hɛnɛ, woletɔ a ya Barabasi boloka anu ye. A ya a ma, ala kɛlɛ-dannu ya Yisa gbesi ka a don anu bolo ko anu ni a gbangban kɔlɔma ma.

Kɛwɔlɛnu 12:3

ado Hɛrodi ya a yen tumɛ min ko Yahudiyanu diyana-koe le wo la, a ma dan wo ma. A ya Pita fanan bira. (Wo kɛra Biredi-Yɛlɛbɛlɛ-Dɔn-Ladɛn wati rɔ.)

Kɛwɔlɛnu 23:35

a ko, “I maburilɛnu ba ke yan tumɛ min, n si n tole masɔ ila kumɛ la worɔ.” Wo kɔma, a ya a fɔ ko kandannɛnu ni Pɔli mara bolɔn la Mansa Hɛrodi ya min sɔ nun.

Kɛwɔlɛnu 25:1

Mansa Fɛsitasi mara sigisɔn-mansɛ la tumɛ min, tele sawa kɔma, a bɔra Sɛsariya soe burɔ ka ta Yerusalɛm.

Kɛwɔlɛnu 25:14

Anu mɛ nyɔ doni, Mansa Fɛsitasi ya Pɔli wara-koe rakaran Mansa Agaripa ye. A ko, “Mansa Filikisi ya mɔgɛ do to yele la n bolo.

Kɛwɔlɛnu 25:4

Mansa Fɛsitasi ya anu yabi ko, “Pɔli maranɛ yele la Sɛsariya soe burɔ. Nde nyɛrɛ fanan sa mɛla sɛgila nyɔ.

Kɛwɔlɛnu 25:9

A di Mansa Fɛsitasi ye ka Yahudiyanu diyana-koe kɛ, woletɔ a ya Pɔli manyinika ko, “Anu bara i maburi koe minnu ma, i si sɔn tala Yerusalɛm worɔ? Nde ni ila kiti tɛgɛ nyɔ, wa?”

Kɛwɔlɛnu 26:32

Mansa Agaripa ya a fɔ Sigisɔn-Mansa Fɛsitasi ye ko, “Ni kei kɛ ma Romu nyamanɛ kun-tigi-ba wo yen-koe fɔ nun, a si boloka le nun.”

Kɛwɔlɛnu 28:30

Pɔli ya san fila kɛ nyɔ. A ye bɔn sarala. Min bɛɛ nara ke a ma, a ya wonu tabira.

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!