Kɛwɔlɛnu 24:25 - ALLALA KUMƐ

²⁵ Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”

Kɛwɔlɛnu 24:25 ပူးပေါင်းရင်းမြစ်များ

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

2 Mansɛnu 22:19

bawo mansɛ ara a yen, ale Mari ye nala Yerusalɛm kɛnu tɔrɔyala nya min ka Yerusalɛm soe ma kan-tina-makilannɛ la, ado nyɔ-tɔgɛ si ma dankalɛ la mɔgɛnu bolo. Wo yen mansɛ bolo, a tubira ka a nyɛrɛ famayigi ale Mari ye. A donta diyi-kɛ rɔ ka ala duruki rafara yisi-tinyɛ bolo. Woletɔ Mari ko a ara ale mansɛla matarali-kan lamɔɛn.

Ɛsira 10:3

Ma dama ni lanyiri kiri Alla ye gben ko ma si ma ban musi kɛnubɛ anuna dannu na ka anu gben. Ma si a ma iko ile Ɛsira anubɛ i ta-nyɔgɛ Allata-tɔn-lɔnnɛnu bi a fɔla ma ye nya min. Ma si a ma iko Allata tɔn ye a fɔla ma ye nya min.

Ɛsira 10:9

Yanni tele sawa wo ni ban, san wo karɛ kɔnɔntɛ, a tele mogan ma, kei min bɛɛsi ye Yuda anubɛ Bɛnyamɛ nyamanɛnu tɔ, wonu dama nara bɛn Bato-Bon-kata burɔ. Bandɛ ye nala biribiri! Mɔgɛ wonu tora yɛrɛyɛrɛnna kimɛ bolo, ado anu bi yɛrɛyɛrɛnna fanan ka a tɛgɛ ladɛn wo mankan ma.

Yobu 29:14

Tuma-wo-tuma, n bi ko-latelennɛ kɛla, ado n ti ko-radunɛ kɛ mɔgɛnu tɛma muk!

Yaburi 11:7

Mari telennɛ, ado kɛwɔli-nyimɛ di a ye. Minnu bi wonu mala, wonu si sigi Mari fɛ.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 72:2

Ni i ya wo ma, a ti lafisayalɛ kɛ ila mɔgɛnu kun na. A si bolo-kolɔnnu bira telenbagayɛ rɔ.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Hɛnkilimaya-Kumɛnu 16:12

A ma bɛn, karagbɛlɛyɛ ni diya mansɛ ye bawo telenbagayɛ le ye a mala, mansayɛ ni to sɛnbɛ rɔ.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 16:5

Wo wati rɔ, Dawuda bɔnsɔn-mɔgɛ do si ma mansɛ la. A si ala mɔgɛnu mara keninteyɛ anubɛ lanayɛ la. A la si tiriya ko-latelennɛ ladanna. A si mɔgɛnu sɔ telenbagayɛ kilɛ rɔ.

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 41:21

Mari, Isirɛlata mansɛ, kɔni, wo le wara kɛ fɔ. “Wole sibolo-gbɛrɛ-bɛsɛnu, wo ni wo rabɛn kitila ko la. Wo na wola sɔsɔli-sala-dɛgbɛnu na wo bolo.

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 23:29

Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Yɛrɛmaya 36:16

A ban wo karanna, mɔgɔ-ba wonu miran bɔra anu ma. Anu ya a fɔ Baruki ye ko, “Fɔ ma wa kɛ rakaran mansɛ ye.”

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Hoseya 10:4

Wole ye kuma-fuyinu fɔla ka foninya-lanyirinu kiri ka to wo da le fɔla kɛlɛ-makima-koe rɔ. Latelan ara a laban wo bolo ko-raduyi ma kiti-fɔ-tinɛ. Wo mani de iko mɔgɛ wa fui-fan fui, fen-gbɛrɛkɛ ma fɛrɛn nyɔ fɔ dawurɛ.

Hoseya 7:5

Mansɛ wa wuli ladiyɛ kɛla tumɛ min, wo le si a ma, mansɛ anubɛ ala mɔgɔ-banu ni anu min kɔlikɔli!

Emɔsi 5:24

Yanni wo ni wo ma, wola ko-latelennɛnu ni wara iko bɛ wa yanbɛ gbesi, a ma ti sagan mumɛ!

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Hegayi 1:2

Mari Sɛnbɛ-Bɛɛ-Tigita sarakanɛ le kɛ la. A ko, “Mɔgɛnu bi a fɔla ko a wati nyɛrɛ ma ke wɛ fɔlɔn ka nde Mari Bato-Bɔn nyɔgɔn sɔ.”

Matiyu 22:5

Kɔnɔ minnu kelenɛ, wonu ma anu tole masɔ wo la. Anu tara anu nyɛrɛ makoenu tɔ. Kelen tara ala sɛnɛ rɔ. Do tara feri-kɛ-tinɛ.

Yɔni 16:8

A wa na tumɛ min, a si hakɛ anubɛ ko-latelennɛ yira duninya-mɔgɛnu na, ado a si a ma, anu ni a lɔn Alla si mɔgɛ bɛɛ kiti nya min.

Kɛwɔlɛnu 10:42

Alla ya a fɔ ma ye ko ma ni kibara-nyimɛ kɛ kawandili bɔ mɔgɛnu ye ka sereyɛ kɛ bɔ. A ko a ara a latɛgɛ min ma ko a ni kɛndɛwaganu anubɛ furinuna kiti tɛgɛ, ale le Yisa wo la.

Kɛwɔlɛnu 17:13

Kɔnɔ Yahudiya minnu bi Tɛsalonaika, wonu ya a lamɔɛn tumɛ min ko Pɔli ye Allala kumɛ kawandili bɔla Bɛriya soe burɔ, anu tara nyɔ ka nyama latugu anu kan ma.

Kɛwɔlɛnu 17:2

Pɔli ya Sulen-Tele sawa kɛ nyɔ. A tara dina-bɔn la iko a duruta a mala nya min. A ya mɔgɛnu makawandi ka bɔ Allata kitabu rɔ

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Kɛwɔlɛnu 2:37

Mɔgɛnu ya wo lamɔɛn tumɛ min, wo ya anu yisi tɔrɔ dɔgɔma-ma-de! Anu ya a fɔ Pita anubɛ Yisata kilayɛ doinu ye ko, “Ma na-kelen-nyɔgɛnu, ma si nfen ma gbɛ?”

Kɛwɔlɛnu 24:15

Yigi min bi n ma Allala koe rɔ, yigi kelan wo ye kɛnu fanan ye ko furi bɛɛ la si wuli, a mɔgɔ-nyima wo, a yogoma wo, a filɛ bɛɛ.

Kɛwɔlɛnu 24:26

A ye mansɛ miriya rɔ nun ko Pɔli si wodi do yira a la. Wo le ya a to, a tora Pɔli kelela tuma-wo-tuma ka kuma a la.

Kɛwɔlɛnu 26:28

Mansa Agaripa ya Pɔli fanan manyinika ko, “I ye i mirila ko i si ke a mala, n ni dɛnkɛninya Yisa ma wati-kundu-nɛ kɛ kɔrɔ, wa?”

Kɛwɔlɛnu 9:6

Kɔnɔ i lasɔ. I ni ta soe. I ye nala min mala gbɛ, mɔgɛ do si na wo fɔ i ye nyɔ.”

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 14:12

Ma kelen-kelennamɛ-bɛɛ si ma nyɛrɛ dantɛgɛ Alla ye worɔ.

Romu 2:16

Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti-tɛgɛ-wati iko a fɔra kibara-nyimɛ rɔ nya min, ado n bi wo le kawandili bɔla.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

2 Kɔrɛnti 6:2

Alla ya kɛ le fɔ, a ko, “A wati-latɛgɛnɛ le, n ya n tole masɔ i la. I kisi-tele kera lunyɛ min, n ya i dɛnbɛ.” Nba, Allata wati-latɛgɛnɛ le kɛ la! Kisi-tele le bi la!

Kalesiya 3:22

Kɔnɔ a sɛbɛnɛ Allala kitabu rɔ ko duninya bɛɛ ye hakɛ sɛnbɛ kɔrɔ. Woletɔ lanyiri wola duwɛ ye wonu ye minnu dɛnkɛninyanɛ Yisa Kirasiti ma.

Kalesiya 5:23

famayigi wo, anubɛ nyɛrɛ-birɛ. Tɔn sa ko-sufa wonu kan ma.

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

Taita 1:8

A ni ma sundan-rabiralɛ la, ado ko-nyima-kɛ ni diya a ye. A ni ma nyɛrɛ-mara-mɔgɛ la anubɛ mɔgɔ-latelennɛ. Mɔgɛnu ni a taran, a sɛninyanɛ, a kolonɛ buda!

Hiburunu 12:21

Anu ya min tayen kɔnkɛ wo kuma, wo ya a ma, anu kilanta kati! Hali Musa nyɛrɛ ko, “N fɛrɛ bɛɛ ye yɛrɛyɛrɛnna kilan bolo!”

Hiburunu 3:13

Fananta ma ye a fɔla bi ma ko, “Bi,” wo ni to wo nyɔgɔn dɛnbɛna tele-wo-tele alako wo fenfen kana yanfa hakɛ bolo. Wo kana ma sɔndɔma-gbɛlɛ-tiginu na.

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

Hiburunu 6:2

Batasi-ko-karan wo, bolo-sa-koe mɔgɔ kuma wo, furi-lawuli-karan wo, Allata-kiti-ko-karan wo, ma kana to sɛgila wonu ma tun.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.

1 Pita 3:15

Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.

2 Pita 1:6

Wo ni nyɛrɛ-marɛ fanan sa wola lɔnnɛ kuma. Wo ni munyɛ fanan sa wola nyɛrɛ-marɛ kuma. Wo ni Alla-yala-kilan fanan sa wola munyɛ kuma.

1 Yɔni 3:10

Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

1 Samuwɛli 12:7

Wo ni wo sɔ Mari yakɔrɔ. A ara ko-makawanɛ minnu ma wobɛ wo benbanu ye nun, n ni sereyɛ wonu sa gbɛ ma wo ye ka anu takaran wo ye alako karan wo ni wo sɔn-yogomɛnu yira wo la.