Kɛwɔlɛnu 24:10 - ALLALA KUMƐ

¹⁰ Wo kɔma, sigisɔn-mansɛ ya a bole telen Pɔli la ko a ni kuma. Nba Pɔli ko, “N ya a lɔn ko i wara mala mɔgɛnuna kiti tɛgɛ san siyaman kɔrɔ. Woletɔ n sewanɛ ka n nyɛrɛ fɛka i yakɔrɔ.

Kɛwɔlɛnu 24:10 ပူးပေါင်းရင်းမြစ်များ

Luka 12:11

“Anu ba ta wo la Yahudiya-dina-bɔnnu na tumɛ min ka wo niyi ragbɛrɛn, ni wo ma, kun-tiginu yakɔrɔ, ni wo fanan ma, mansɛ yakɔrɔ, wo si wo nyɛrɛ fɛka nya min wo, wo si min fɔ wo, wo kana hɔn wonu na.

Luka 12:14

Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?”

Luka 18:2

A ko, “Kiti-tɛgɛlɛ do taranta soe do rɔ nun. Ale ma kilan Allatala la, ado mɔgɛ fanan bɔrɔ sa a ye.

Kɛwɔlɛnu 12:17

A ya a bole sa a dɛ la ko anu kana kuma. Mari ya a labɔ yele la nya min, a ya wo bɛɛ rakaran anu ye. A ko, “Wo ni a fɔ Yemesi anubɛ ma na-kelen-nyɔgɔn toe bɛɛ ye min mara.” A bɔra ka ta kan-tina-gbɛrɛ.

Kɛwɔlɛnu 13:16

Nba, Pɔli ya a sɔ ka a bole sa a dɛ la ko anu ni anu tole masɔ. A ya a fɔ anu ye ko, “Wole Isirɛla kɛnu anubɛ sibolo-gbɛrɛ minnu bi Alla batola yan, wo ni wo wɔlɔ matɔlɔ n kan la!

Kɛwɔlɛnu 18:15

Kɔnɔ kiti kɛ bɛɛ tɛgɛnɛ kumɛnu anubɛ tɔgɛnu anubɛ wola tɔn-koe le ma, woletɔ wole nyɛrɛ ni kiti kɛ ban wo gbansan tɛma. N ti ma wo ko-sufanu kiti-tɛgɛlɛ la!”

Kɛwɔlɛnu 19:33

Tɔ-a-la, mɔgɛ donu ko Alɛsanda le koe wo kunyɛ la bawo Yahudiyanu ya a sɔ anu yarɔ. Alɛsanda ya a bole sa a dɛ la ko mɔgɛnu ni anu sabari. A ya a raya ka a nyɛrɛ fɛka mɔgɛnu yala.

Kɛwɔlɛnu 21:40

Nba, kun-tigi-ba wo sɔnta. Woletɔ Pɔli sɔra yɛlɛ tinɛ kuma ka mɔgɛnu masabari a bole la. Anu ya anu masabari tumɛ min, Pɔli kumara anu ye anuna Yahudiya-kan rɔ.

Kɛwɔlɛnu 23:24

Wo na soee donu na Pɔli ye. Wo ni a kandan kilɛ la alako a kɛndɛ ni ke Sigisɔn-Mansa Filikisi ma.”

Kɛwɔlɛnu 26:1

Mansa Agaripa ya a fɔ Pɔli ye ko, “Nba, itɛ lakaran!” Pɔli ya a bole layɛlɛ. A ya a nyɛrɛ fɛka ka le, a ko,

1 Pita 3:15

Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.