Kɛwɔlɛnu 22:6 - ALLALA KUMƐ

⁶ “Nba, n gbɛrɛnnɛ Damasika soe ma tele latelan wati, wan-belebele bɔra san ma tiriya ka nna foolɛ bɛɛ lamalan. N buira dugi ma.

Kɛwɔlɛnu 22:6 ပူးပေါင်းရင်းမြစ်များ

Ko-Dabirɛnu 14:15

A ya ala kɛlɛ-dannu tatala nyɔ rɔ. Wonu tara mansɛ wonu natɛrɛna suyi rɔ ka anu kɛlɛ. Anubɛ ala kɛlɛ-dannu ya mansɛ wonu nɔ ka ta anu gbenna ha ka ke Hoba soe burɔ, Damasika soe kan tɔ.

Ko-Dabirɛnu 15:2

Kɔnɔ Burama ko, “E, n tigi Mari Alla, i ye n barayila nfenna ko la? Den sa n bolo. N kɛɛ-bila sa, fɔ nna wɔli-kɛlɛ Ɛliyesa Damasika kɛ, wo le ye n kɛɛ bila.”

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Matiyu 17:2

Anu bi Yisa mafɛlɛnna tumɛ min, a yen-nya yɛlɛmanta anu yala. A yakɔrɛ malanta iko tele. Ala kurɛ gbɛra iko waan.

Kɛwɔlɛnu 22:7

N ya kuman-kan lamɔɛn n manyinikala ko, ‘Sɔli, Sɔli, i ye n tɔrɔla nfenna?’

Kɛwɔlɛnu 23:9

Woletɔ sɔnkɔ-sɔnkɛ koloyara. Tɔn-karan-mɔgɛ do minnu bi Farisinuna dina rɔ, wonu sɔra ka sɔsɔli-ba kɛ ko, “Ni kei kɛ ara ko-yogomɛ kɛ, male ma wo yen! Tumado tonyɛ le, nima-fan do ara kuma a ye nun, ni wo ma, melika.”

1 Kɔrɛnti 15:8

Tɔ-a-la, a bɔra gbɛ rɔ nde fanan ye. N manɛ iko dan min ma sɔrɔn yona.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.