Kɛwɔlɛnu 22:5 - ALLALA KUMƐ

⁵ Saraka-masɔla-kun-tigi-wɛ anubɛ anuna mɔgɔ-ba dama si ke wo sereyɛ bɔla ko n bi tonyɛ le fɔ tinɛ wo la. Anu denu ya kɛdinu di n ma minnu sɛbɛnɛ ma na-kelen-nyɔgɔ Yahudiyanu ma Damasika soe burɔ alako n ni ta mɔgɛ wonu bira tinɛ nyɔ nun. N tara alako n si anu kiri yɔlɔkɛnu na nya min ka sɛgi anu na Yerusalɛm anu tɔrɔ tinɛ.

Kɛwɔlɛnu 22:5 ပူးပေါင်းရင်းမြစ်များ

Luka 22:66

Banda-ka-dɛ ma, Yahudiya kɛmɔgɛnu, saraka-masɔla-wɛnu anubɛ tɔn-karan-mɔgɛnu, wonu ya anu nyɔgɔn nadɛn. Anu nara Yisa la anu yakɔrɔ.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Kɛwɔlɛnu 2:29

“N na-kelen-nyɔgɛnu, fɔ n ni ma benba Dawudala koe fɔ wo ye ka a gbɛ. A fagara. Anu ya a togon, ado ha bi, a kanbɛ ye ma fɛ yan.

Kɛwɔlɛnu 22:1

Pɔli ya a fɔ anu ye ko, “N fanubɛ n kɔrɔnu, wo ni wo wɔlɔ matɔlɔ n na, n ni n nyɛrɛ fɛka wo yala!”

Kɛwɔlɛnu 23:1

Pɔli ya Yahudiyanuna kun-tiginu mafɛlɛn sin! A ko, “N kɔrɔnu! N bara wɔlɛ min bɛɛ kɛ Alla yala, fɛɛ sa n na wo la feu! Ha bi, n sɔndɔmɛ ma n yiliki ko-yogomɛ kɛla ko la hali!”

Kɛwɔlɛnu 23:6

Pɔli ya a yen ko dan-nafarɛ ye nyama tɛma, a fan kelan Sadusi, a fan kelan fanan, Farisi. Woletɔ a gbele-gbelenta kun-tiginu tɛma ko, “N kɔrɔnu! Farisi le nde la, ado n fa fanan, Farisi le. Anu bi n kitila min ma yan, wo le ko furi-lawuli-yigi ye n ma!”

Kɛwɔlɛnu 26:10

Ka a dabira Yerusalɛm, n ya wo ma. N ya sarati sɔrɔn saraka-masɔla-wɛnu bolo ko n ni Allala mɔgɔ siyaman nadon yele la. Anu faga-koe fɔra tumɛ min, nde nyɛrɛ sɔnta wo ma.

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.

Kɛwɔlɛnu 26:12

“Nba, Mansɛ, saraka-masɔla-wɛnu sɔnta nun ko n ni ta Damasika soe burɔ anu bira-koe la.

Kɛwɔlɛnu 28:17

Tele sawa kɔma, Pɔli ya Yahudiya mɔgɔ-banu kele ladɛn rɔ. Anu nadɛnta tumɛ min, a ya a fɔ anu ye ko, “N na-kelen-nyɔgɛnu! N ma ko-wo-ko kɛ mala mɔgɛnu kan ma. Ma ya namu minnu sɔrɔn ma benbanu bolo, n ma wo fenfen tinya. Hali wo, anu ya n sa yele la Yerusalɛm ka n don Romu kɛnu bolo.

Kɛwɔlɛnu 28:21

Anu ya a fɔ Pɔli ye ko, “Ma ma kɛdi-wo-kɛdi sɔrɔn ka bɔ Yudiya ila ko la. Ma na-kelen-nyɔgɔ fenfen ma bɔ nyɔ ka koe do fɔ hali ka i tɔgɔ rasɛ.

Kɛwɔlɛnu 3:17

“Nba, n na-kelen-nyɔgɛnu, n ya a lɔn ko wobɛ wola kun-tiginu ya min ma Yisa la, wo ya wo ma bawo wo sa a kalama.

Kɛwɔlɛnu 4:5

Wo banda kɛ, Yahudiyanuna kun-tigi wo, mɔgɔ-banu wo, tɔn-karan-mɔgɛnu wo, wonu ya anu nyɔgɔn nadɛn Yerusalɛm.

Kɛwɔlɛnu 5:21

Kilayɛ wonu sɔnta. Banda-ka-dɛ ma, anu donta Alla-Bato-Bɔn la ka mɔgɛnu-karan dabira. Saraka-masɔla-kun-tigi-wɛ anubɛ a ta-nyɔgɛnu ya Yahudiya mɔgɔ-banu kele anuta ladɛn kuma. Wo kɔma, anu ya sarakanɛ lata yele-kandannɛ ma ko a ni kilayɛ wonu nana anu ma.

Kɛwɔlɛnu 9:14

ado a ara sɛnbɛ sɔrɔn saraka-masɔla-wɛnu bolo ka Damasika mɔgɛnu bira minnu bi ile Alla matarala i tɔgɛ rɔ.”

Kalesiya 1:13

N bi nya min nun, wo tumɛ n bi Yahudiyanuna dina rɔ, wo ya wo lɔn. N ya a lagbɛlɛya Allata chɔchi kuma nun dɔgɔma-ma-de, ado kinikini-wo-kinikini sa n tɔ nun anuna ko la fɔ anu kasara-koe.

Filipai 3:6

N bara n taya ha n ya a lagbɛlɛya chɔchi kuma, ado ni mɔgɛ si ke mala telenbagɛ la tɔn-birɛ fɛ, fɛɛ-wo-fɛɛ ma taran n na wo rɔ.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.