Kɛwɔlɛnu 21:40 - ALLALA KUMƐ

⁴⁰ Nba, kun-tigi-ba wo sɔnta. Woletɔ Pɔli sɔra yɛlɛ tinɛ kuma ka mɔgɛnu masabari a bole la. Anu ya anu masabari tumɛ min, Pɔli kumara anu ye anuna Yahudiya-kan rɔ.

Kɛwɔlɛnu 21:40 ပူးပေါင်းရင်းမြစ်များ

2 Mansɛnu 9:13

Tiriyante wo rɔ, anu ya anuna durukinu bɔ anu kan na ka anu tasa ale Yehu kɔrɔ dugi ma wo tumɛ ale Yehu sɔnɛ kan-tina-mayɛlɛnɛ do rɔ anu damasi kuma. Wo kɔma, anu ya buri fɛ. Anu dama ya a lasɔnkɔ ko, “Yehu ara ma mansɛ la.”

Luka 23:38

Anu ya kumɛ kɛ sɛbɛ a kuma ko, “Yahudiyanuna Mansɛ le kɛ la.”

Yɔni 19:13

Pailɛti ya kumɛ kɛnu namɔɛn tumɛ min, a ya Yisa labɔ luyi ma. A sigira kiti-tɛgɛ-waganɛ rɔ. Kan tinɛ wo tɔgɛ le ko, “Kilɛ min nadannɛ kurinu na.” (A tɔgɛ Hiburu-kan rɔ ko, “Kabata.”)

Yɔni 19:17

Anu bi a gbangbanna kɔlɔma min ma, a nyɛrɛ ya wo duni ka ta a la ha ka ke kan tinɛ min tɔgɛ ko, “Kun-kole.” (A tɔgɛ Hiburu-kan rɔ ko, “Kɔlɔkata.”)

Yɔni 19:20

Yahudiya siyaman ya a karan bawo Yisa gbangbanta kɔlɔma ma kan min, wo fɛ ma yan soe la. A sɛbɛnɛ kan sawa le tɔ nun, Hiburu-kan anubɛ Latin-kan anubɛ Kiriki-kan.

Yɔni 5:2

Yi sigi tinɛ min manɛ iko dalɛ, anu bara wo sin Yerusalɛm soe burɔ. A tɔgɛ Hiburu kan rɔ ko, “Bɛti-Sayida.” Tarɛ-don-dɛ min tɔgɛ “Sagɛnutɛ,” wo ye yi wo dafɛ. Bugi loli sɔnɛ anu bolo nyɔ.

Kɛwɔlɛnu 1:19

Yerusalɛm-sigilɛ bɛɛ ya wo lamɔɛn min kɛ, anu ya dugi wo tɔgɔ sa “Akɛlidama.” Wo kɔrɛ le anuta kan rɔ ko, “Yele-dugi.”)

Kɛwɔlɛnu 12:17

A ya a bole sa a dɛ la ko anu kana kuma. Mari ya a labɔ yele la nya min, a ya wo bɛɛ rakaran anu ye. A ko, “Wo ni a fɔ Yemesi anubɛ ma na-kelen-nyɔgɔn toe bɛɛ ye min mara.” A bɔra ka ta kan-tina-gbɛrɛ.

Kɛwɔlɛnu 13:16

Nba, Pɔli ya a sɔ ka a bole sa a dɛ la ko anu ni anu tole masɔ. A ya a fɔ anu ye ko, “Wole Isirɛla kɛnu anubɛ sibolo-gbɛrɛ minnu bi Alla batola yan, wo ni wo wɔlɔ matɔlɔ n kan la!

Kɛwɔlɛnu 19:33

Tɔ-a-la, mɔgɛ donu ko Alɛsanda le koe wo kunyɛ la bawo Yahudiyanu ya a sɔ anu yarɔ. Alɛsanda ya a bole sa a dɛ la ko mɔgɛnu ni anu sabari. A ya a raya ka a nyɛrɛ fɛka mɔgɛnu yala.

Kɛwɔlɛnu 21:35

Anu kera a la nyɔ-yɛlɛ tinɛ ma tumɛ min, fɔ kɛlɛ-dannu ni a kɔrɔbi ka ta a la bawo nyama bɛɛ nyɛɛnɛ nun.

Kɛwɔlɛnu 22:2

Anu ya a lamɔɛn a ye kumala anuna kan rɔ tumɛ min, anu ya anu made don! Pɔli ko worɔ,

Kɛwɔlɛnu 26:14

Ma dama buira dugi ma. N ya kuman-kan do lamɔɛn. A ye a fɔla n ye Hiburu-kan rɔ ko, ‘Sɔli, Sɔli, i ye n tɔrɔla nfenna? I ye i nyɛrɛ le madumala dɔrɔn iko turɛ min bi a kiri-kɔlɔma tɛnna.’

Kɛwɔlɛnu 6:1

Karan-dannu yatɛ tora siyayala kɔnɔ wati do kenɛ, Yahudiya minnu bi anu nyɛrɛ kan fɔla wo, Yahudiya minnu bi Kiriki kan fɔla wo, kumɛ wulita wonu tɛma. Yahudiya Kiriki-kan-fɔlɛnu ko dɔn-fan min tafaranɛ mɔgɛnu tɛma tele-wo-tele, anuta kɛɛ-musinu sa anutɛ sɔrɔnna dɔn-fan wo rɔ.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”