Kɛwɔlɛnu 21:39 - ALLALA KUMƐ

³⁹ Pɔli ya a yabi ko, “Yahudiya le nde la. N sɔrɔnta Tarasa, Salesiya nyamanita-so-karantan do rɔ, kɔni. N fa, i yandi, i ni sɔn, n ni kuma mɔgɛnu na.”

Kɛwɔlɛnu 21:39 ပူးပေါင်းရင်းမြစ်များ

Kɛwɔlɛnu 15:23

Anu ya kɛdi sɛbɛ ka a don anu bolo. Kɛdi wo ko, “Male Mari Yisata kilayɛnu anubɛ mɔgɔ-banu, “Ma ye wole, ma na-kelen-nyɔgɛ sibolo-gbɛrɛnu kɔndɔnna minnu siginɛ Antiyaki soe anubɛ Siriya anubɛ Salesiya nyamanɛnu tɔ.

Kɛwɔlɛnu 15:41

Anu tara Siriya anubɛ Salesiya nyamanɛnu tɔ ka nyɔ-dɛnkɛninya-mɔgɛnu sɛnbɛ don.

Kɛwɔlɛnu 16:37

Kɔnɔ Pɔli ya a fɔ polisi-kun-tiginu ye ko, “Anu ya male, Romu kɛnu, gbesi gbɛ rɔ ka ma ladon yele la hali ma yilikini ma! Nba kaka, anu bi a fɛ ka ma boloka dogɔn rɔ, wa? Wo ti ma dɛɛ! Fɔ Romu kun-tiginu nyɛrɛ ni na yan ka ma labɔ.”

Kɛwɔlɛnu 21:37

Anu bi tala a la bariki burɔ tumɛ min, Pɔli kumara kun-tigi-ba wo ye Kiriki-kan rɔ, a ko, “I si sɔn n ni koe do fɔ i ye?” Kun-tigi-ba wo ya a manyinika ko, “I ya Kiriki-kan lamɔɛn kama?

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

Kɛwɔlɛnu 23:27

Yahudiyanu ya kei kɛ bira. A tora doni, anu ni a faga. N ya hɛnkili sɔrɔn a ma ko Romu kɛ le, woletɔ mabɛ nna kɛlɛ-dannu tara ka a bɔ anu bolo.

Kɛwɔlɛnu 23:34

Sigisɔn-mansɛ ya kɛdi wo karan. A ya Pɔli manyinika ko, “I bɔra nyamanɛ mintan tɔ?” A ya a lɔn tumɛ min ko a bɔra Salesiya nyamanɛ le tɔ,

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.

Kɛwɔlɛnu 9:11

Mari ya a fɔ a ye ko, “I ni i rabɛn. I ni ta Yudasila bɔn la kilɛ dafɛ min tɔgɛ Kila Telennɛ. I ni Tarasa kɛ Sɔli manyinika. A ye madiyali kɛla nyɔ.

Kɛwɔlɛnu 9:30

Kɔnɔ a na-kelen-nyɔgɔ dɛnkɛninya-mɔgɛnu ya wo lamɔɛn tumɛ min, anu tara Sɔli la Sɛsariya soe burɔ. Wo kɔma, anu ya a lata Tarasa soe burɔ.

1 Pita 3:15

Min fisa, wo ni Kirasiti gbiliya wo yisi rɔ ka a ma wo Mari la. Yigi min bi wo rɔ, mɔgɔ-wo-mɔgɔ wa wo manyinika wo ma, wo rabɛnnɛ ni taran tuma-wo-tuma ka wo faranfasi mɔgɛ wo ye.