Kɛwɔlɛnu 21:24 - ALLALA KUMƐ

²⁴ I ni bila anu fɛ. Wo ni sɛninya wo nyɔgɔn fɛ iko tɔn ya a fɔ nya min. I ni anu makoenu nyinya alako anu kunyɛ si sii nya min. Woletɔ bɛɛ si a lɔn ko koe minnu fɔra anu ye ila ko la ko tonya ma wo fenfen na. Anu si a yen ko ile nyɛrɛ si Musata tɔn bira a kilɛ fɛ.

Kɛwɔlɛnu 21:24 ပူးပေါင်းရင်းမြစ်များ

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yobu 41:25

A wa a lasɔ tumɛ min, hali fankalamɛ minnu ba a yen, wonu si kilan. A tenbi yi ragbesi-gbesila, fankalamɛ wonu bi tala anu makeri-kerila kumakɔɛ bolo.

Bɔ-Koe-Iyipiti 19:10

Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Bɔ-Koe-Iyipiti 19:14

Musa yigira mɔgɛnu wara tumɛ min ka bɔ kɔnkɛ kuma, a ya a fɔ anu ye ko anu ni anu sɛninya Mari bato-koe la ka anuna kurɛnu ku.

Yilan-Yilan Koe 6:13

“Nansaran lanyiri wati wa ban tumɛ min, a ni ta Marita Fani-Bɔn dɛ la

Yilan-Yilan Koe 6:18

“Mɔgɛ min dantɛgɛnɛ Mari ma, wo si a nyɛrɛ kunyɛ sii nde, Marita Fani-Bɔn don-dɛ la ka a kun-sigi mintan yisi-kima-saraka-mintan-tinɛ.

Yilan-Yilan Koe 6:5

“Mɔgɔ-wo-mɔgɔ tenbi lanyiri kɛ kɔrɔ, wo kana a kun-sigi matɛgɛ hali ka a buyɛ sii kamasɔrɔn a dantɛgɛnɛ Mari ma. Woletɔ a kun-sigi anubɛ a da-buyɛ si to koloyala tuma-wo-tuma.

Yilan-Yilan Koe 6:9

“Ni mɔgɛ do fagara Marita mɔgɛ wo yala, Marita mɔgɛ wonubɛ a kun-sigi sɛninyani ma iko lanyiri ya a fɔ nya min bawo a ara mɔgɔ faganɛ yen a yɛ la. Ni a ye a fɛ ka a nyɛrɛ sɛninya iko tɔn ya a fɔ nya min, a ni a makɔni tele wɔrɔ. A wɔrɔnfila nyɔgɛ, a ni a kunyɛ sii anubɛ a buyɛ.

Yɔni 11:55

Yahudiyanuna Kanan-Ko-Ladiyɛ ara gbɛrɛn nun. Yanni ladiyɛ wo ni ke, mɔgɔ siyaman bɔra so-gbɛrɛnu tɔ ka ta Yerusalɛm anu sɛninya tinɛ.

Yɔni 3:25

Yɔnila karan-dan donu anubɛ Yahudiya mɔgɛ donu ya sɔsɔli-sɛ dabira ka a bɛn ku-kɛ-koe ma iko anuna dina ya a fɔ anu ye nya min.

Kɛwɔlɛnu 18:18

Pɔli ya tele siyaman bɔ Marita mɔgɛnu fɛ Kɔrɛnti soe burɔ. Wo kɔma, ale wo, Akuwila wo, anubɛ Purusila donta kulɔn rɔ ka ta Siriya nyamanɛ rɔ. Yanni a ni don kulɔn rɔ, a ya a kunyɛ sii Sɛnkariya soe burɔ bawo a ara a dato Alla ye nun.

Kɛwɔlɛnu 21:26

Wo kɔma, Pɔli anubɛ mɔgɔ nanɛ wonu ya anu tabɛn ka anu nyɔgɔn sɛninya. Pɔli donta Alla-Bato-Bɔn la ka sɛninya-telenu ban-tumɛ fɔ. Anu kelen-kelennamɛ-bɛɛta sarakɛ si bɔ wo wati le tɔ.

Kɛwɔlɛnu 24:18

N bi wo kun na tumɛ min, anu ya n taran Alla-Bato-Bɔn la, ado n ban-san le sɛninya-koe wo kanbalila wulɔn. Nyama sa n fɛ, sɔnkɔ-sɔnkɔ sa n fɛ.

1 Kɔrɛnti 9:20

N tenbi sereyɛ bɔla Yahudiyanu ye, n si n nyɛrɛ ma iko Yahudiya alako n ni Yahudiyanu masɔrɔn. Minnu bi Nɛbi Musata tɔn kɔrɔ, n tenbi sereyɛ bɔla wonu ye, hali nde nyɛrɛ sa tɔn kɔrɔ, n si n nyɛrɛ mara iko n bi tɔn kɔrɔ le alako n ni wo donu masɔrɔn.

Kalesiya 2:12

Pita anubɛ ma na-kelen-nyɔgɔ dɛnkɛninya-mɔgɛ sibolo-gbɛrɛnu denu duruta fen-dɔn kɛla miran kelen tɔ nun. Kɔnɔ Yemesi ya mɔgɛ donu nana tumɛ min, a ya a bɔ wonu fɛ. A ma sɔn ka fen-dɔn anu fɛ tun bawo a kilanta Yahudiyanu na minnu ko fɔ sibolo-gbɛrɛnu ni kemininya iko anu denu.

Kɛlɛ-Kurugbɛnu 13:5

I kana ila dan wo kunyɛ matɛgɛ mumɛ bawo yanni a ni sɔrɔn, a dantɛgɛnɛ Mari ma iko Nansarannu. Ale fɔlɔn si Isirɛla mɔgɛnu kunka ka anu bɔ Filisitinu bolo.”